१४ औं महाधिवेशनमा सभापतिमा लड्छुः कांग्रेस केन्द्रिय सदस्य गुरुङ

राजनीति

गृहपृष्ठ
राजनीति
१४ औं महाधिवेशनमा सभापतिमा लड्छुः कांग्रेस केन्द्रिय सदस्य गुरुङ

१४ औं महाधिवेशनमा सभापतिमा लड्छुः कांग्रेस केन्द्रिय सदस्य गुरुङ

शुक्रबार, फागुन २१, २०७७ बागेश्वरी पोस्ट

नेपालगञ्ज । नेपाली कांग्रेसका केन्द्रिय सदस्य कल्याण कुमार गुरुङले १४ औं महाधिवेशनमा आफू सभापति पदमा लड्ने बताउनुभएको छ ।

नेपाल प्रेस युनियन बाँकेले आज विहान नेपालगञ्जमा गरेको पत्रकार सम्मेलनमा गुरुङले उमेरले भन्दा पनि विचार र एजेण्डाले नेतृत्व क्षमताको मूल्यांकन हुने भन्दै आफूले कुनै पनि हालतमा सभापतिमा उम्मेदवारी दिने दृढता व्यक्त गर्नुभयो । नेपालगञ्ज महाधिवेशनबाट आफू नेविसंघ अध्यक्ष भएको स्मरण गर्दै गुरुङले आफ्ना लागि शुभभूमी रहेको नेपालगञ्जबाटै सभापतिमा लड्ने दृढता प्रकट गर्नुभयो ।

नेपाली कांग्रेस सरकारको नेतृत्व गर्ने अवस्था आए नभाग्ने स्पष्ट पार्दै उहाँले कांग्रेसको समर्थन विना सरकार नै नबन्ने अवस्था रहेकाले कांग्रेसले संसद्मा उचित भूमिका खेलेर सरकार निर्माण प्रक्रियामा भाग लिने बताउनुभयो । नेकपाका दुबै पक्षसंग सरकार गठनका लागि ढोका खुल्ला रहने स्पष्ट गर्दै केन्द्रिय सदस्य गुरुङले ओली समूह वा प्रचण्ड-माधव समूहसंग मिलेर सरकार बनाउन सक्ने अवस्था रहेको बताउनुभयो ।

क्रियाशील सदस्य छानविन समितिका सदस्य समेत रहनुभएका गुरुङले क्रियाशील सदस्यता टुंग्याउने काम अघि बढेको बताउनुभयो । १० लाख क्रियाशील सदस्यमा २ लाख ३२ हजार ९ सय ७४ इन्ट्री भइसकेको जानकारी दिँदै उहाँले ४९ जिल्लाबाट इन्ट्रीका काम भइरहेको बताउनुभयो । नेपाल प्रेस युनियन बाँकेका अध्यक्ष अर्जुन ओलीको सभापतित्वमा पत्रकार सम्मेलन भएको थियो ।

प्रकाशित मिति: शुक्रबार, फागुन २१, २०७७ ०९:५१

प्रतिक्रिया दिनुहोस्