गिरीको निधनप्रति लुम्बिनीका मुख्यमन्त्रीद्वारा शोक व्यक्त

राजनीति

गृहपृष्ठ
राजनीति
गिरीको निधनप्रति लुम्बिनीका मुख्यमन्त्रीद्वारा शोक व्यक्त

गिरीको निधनप्रति लुम्बिनीका मुख्यमन्त्रीद्वारा शोक व्यक्त

शनिबार, फागुन २२, २०७७ बागेश्वरी पोस्ट

नेपालगन्ज । लुम्बिनी प्रदेशका मुख्यमन्त्री शंकर पोखरेलले दाङका पुराना राजनीतिज्ञ लोकमणि गिरीको निधनप्रति दु:ख ब्यक्त गर्नुभएको छ । उहाँले स्वर्गीय गिरीप्रति भावपूर्ण श्रद्धाञ्जली व्यक्त गर्दै शोकाकुल परिवारमा समवेदना प्रकट गर्नुभएको छ ।

"नेपाली कांग्रेसका नेता एवम् मित्र दीपक गिरीसहित शोक सन्तप्त परिवारजनमा गहिरो समवेदना ब्यक्त गर्दछु", मुख्यमन्त्री पोखरेलले लेख्नुभएको छ । दाङबाट राष्ट्रिय पञ्चायत सदस्य बन्नुभएका गिरी नेपाली काँग्रेसका केन्द्रिय सदस्य तथा पूर्व मन्त्री दीपक गिरीका पिता हुनुहुन्छ ।

८३ बर्षीय गिरीको आज दिउँसो पौने २ बजेतिर राप्ती प्रादेशिक अस्पताल तुलसीपुरमा निधन भएको हो । तुलसीपुरस्थित घरमै बस्दै आउनुभएका गिरी दिउँसो एकाएक बिरामी भएपछि अस्पताल लगिएको थियो ।

गिरीका भाञ्जा तथा प्रदेशसभा सदस्य शंकर गिरीका अनुसार हृदयघात भएको जस्तै समस्या देखिएपछि गिरीलाई अस्पताल पु¥याइएको थियो । अस्पताल पु¥याएको केहीबेरमै उहाँलाई चिकित्सकले मृत घोषणा गरेका थिए । त्यस पूर्व उहाँलाई कुनै पनि खाले स्वास्थ्य समस्या नरहेको प्रदेशसभा सदस्य गिरीले बताउनुभयो ।

स्वर्गीय गिरीकी ८० बर्षीया धर्मपत्नी छाँया, छोराहरु दीपक, ज्वाला र ज्योति तथा छोरी रचना हुनुहुन्छ । गिरीको पार्थिब शरीरमा अन्तिम श्रद्धाञ्जली ब्यक्त गर्न नेपाली काँग्रेसका महामन्त्री डा. शशांक कोइरालासहित नेताहरु दाङ आउने प्रदेशसभा सदस्य गिरीले जानकारी दिनुभयो ।

स्वर्गीय गिरीको अन्तिम संस्कार भोलि विहान पुर्ख्यौली गाउँ दंगीशरण गाउँपालिका वडा नम्बर ४ सुकदेवामा गरिने भएको छ ।

पुराना राजनीतिज्ञ लोकमणी गिरीको निधनले दुखित छु ।दाङ जिल्लावाट राष्ट्रिय पंचायतका सदस्य समेत हुनुभएका गिरीजी प्रति भावपूर्ण श्रद्धान्जली । मित्र दिपक गिरी लगायत शोकसन्तप्त परिवाजनमा गहिरो समवेदना ।
Posted by Shankar Pokhrel on Saturday, March 6, 2021

प्रकाशित मिति: शनिबार, फागुन २२, २०७७ १८:५७

प्रतिक्रिया दिनुहोस्