कोहलपुर उद्योग बाणिज्य संघमा प्रजातान्त्रिक प्यानलका पौडेलको टिम नै विजयी

राजनीति

गृहपृष्ठ
राजनीति
कोहलपुर उद्योग बाणिज्य संघमा प्रजातान्त्रिक प्यानलका पौडेलको टिम नै विजयी

कोहलपुर उद्योग बाणिज्य संघमा प्रजातान्त्रिक प्यानलका पौडेलको टिम नै विजयी

आइतबार, फागुन २३, २०७७ बागेश्वरी पोस्ट

नेपालगन्ज । कोहलपुर उद्योग बाणिज्य संघमा प्रजातान्त्रिक प्यानलका लक्ष्मणराज पौडेलको प्यानल विजयी भएको छ । अध्यक्षमा निर्वाचित पौडेलले कुल २ हजार ४ सय ६७ मत मध्ये १ हजार ६ सय ६१ मत प्राप्त गरी विजयी भएका हुन् ।

उनका निकतम् प्रतिद्वन्द्वी साझा समावेशी प्यानलका विष्णुप्रसाद खनालले १ हजार ३ सय ४४ मत प्राप्त गरेको प्रमुख निर्वाचन आयुक्त लोकबहादुर शाहले जानकारी दिए ।

त्यसैगरी बरिष्ठ उपाध्यक्षमा पनि प्रजातान्त्रिक प्यानलका प्रदिप भट्टराई विजयी भएका छन् । उनले १ हजार ९ सय २२ मत ल्याए । उनका निकतम् प्रतिद्वन्दी तेजप्रसाद अधिकारीले १ हजार १ सय १७ मत पाए । निर्वाचन समितिका अनुसार, उद्योगतर्फको उपाध्यक्षमा १ हजार ८ सय २७ मत प्राप्त गरी चण्डीप्रसाद गैरे र वाणिज्यतर्फको उपाध्यक्षमा १ हजार ६ सय २१ मत प्राप्त गरी संगिता सुवेदी विजयी भइन् ।

महासचिवमा पनि प्रजातान्त्रिक प्यानलका मातृका सापकोटा विजयी भएका छन् । उनले १ हजार ६ सय ४ मत पाए । उपमहासचिवमा दीपकबहादुर भण्डारी र कोषाध्यक्षमा सीता कार्की विजयी भइन् । भण्डारीले १ हजार ७ सय ९२ र कार्कीले १ हजार ७ सय ३९ मत पाए ।

सहकोषाध्यक्षमा पनि प्रजातान्त्रिक प्यानलका भरत खत्री १ हजार ४ सय ४२ मत प्राप्त गरी विजयी भएको निर्वाचन आयुक्त शाहले जानकारी दिए ।

प्रकाशित मिति: आइतबार, फागुन २३, २०७७ २२:४०

प्रतिक्रिया दिनुहोस्