आज अन्तर्राष्ट्रिय नारी दिवस

समाचार

गृहपृष्ठ
समाचार
आज अन्तर्राष्ट्रिय नारी दिवस

आज अन्तर्राष्ट्रिय नारी दिवस

सोमबार, फागुन २४, २०७७ बागेश्वरी पोस्ट

नेपालगन्ज। आज अन्तर्राष्ट्रियनारी दिवस विविध कार्यक्रम गरी मनाइदै छ ।

‘महिलाको सुरक्षा, सम्मान र रोजगारः समृद्ध नेपालको आधार’ भन्ने नाराका साथ आज नेपालमा पनि अन्तर्राष्ट्रिय नारी दिवस मनाइदै छ। हरेक वर्ष मार्च ८ तारिखका दिन यो दिवस मनाउने गरिन्छ ।

नारी मुक्ति आन्दोलनकी अभियन्ता क्लारा जेट्किनले सन् १९११ मार्च ८ मा महिला कामदारमाथि भएको श्रम शोषणविरुद्ध आवाज उठाएको दिनको स्मरणमा विश्वभर नारी दिवस मनाउने प्रचलन छ । नेपालको संविधानले लैङ्गिक समानताको प्रत्याभूति गर्न महत्वपूर्ण प्रावधानको व्यवस्था गरेको छ । यसबाट महिलाप्रति हुने हिंसा र विभेद हटाउन ठूलो मद्दत पुगेको छ ।

क्लारा जेट्किनले सन् १९१० मा कोपेनहेगेनमा आयोजित महिलाहरुको द्वितीय अन्तर्राष्ट्रिय सम्मेलनमा ८ मार्चलाई अन्तर्राष्ट्रिय श्रमिक नारी दिवसको रूपमा प्रस्ताव गरेकी थिइन् । जसलाई सम्मेलनले पारित गर्‍यो र सन् १९११ देखि नारी दिवस मनाउन थालिएको हो ।

प्रकाशित मिति: सोमबार, फागुन २४, २०७७ ११:०८

प्रतिक्रिया दिनुहोस्