बर्दियामा बाघको आक्रमण बढ्दै गएपछि निकुञ्ज क्षेत्र प्रवेशमा रोक

समाचार

गृहपृष्ठ
समाचार
बर्दियामा बाघको आक्रमण बढ्दै गएपछि निकुञ्ज क्षेत्र प्रवेशमा रोक

बर्दियामा बाघको आक्रमण बढ्दै गएपछि निकुञ्ज क्षेत्र प्रवेशमा रोक

शुक्रबार, फागुन २८, २०७७ बागेश्वरी पोस्ट

फाइल फोटो

नेपालगन्ज । बर्दियामा बाघको आक्रमण बढ्दै गएपछि जोखिम क्षेत्रमा प्रवेशमा रोक लगाइएको छ ।

जिल्ला प्रशासन कार्यालय बर्दियाले एक सूचना जारी गर्दै निकुञ्ज आसपासकाक्षेत्र र जोखिम क्षेत्रमा प्रवेश बन्द गरिएको जानकारी दिएको हो । बाघको आक्रमणबाट चालु आर्थिक वर्षको हालसम्म ९ जनाको ज्यान गइससकेको छ ।

आहारको खोजीमा निस्कने बाघले मानिसहरुलाई आक्रमण गर्न थालेपछि स्थानीय प्रशासनले स्थानीयलाई वनक्षेत्रमा प्रवेश नगर्न सूचना जारी गरेको हो । हाल वन्यजन्तुको बढ्दो आक्रमणबाट बच्न आगामी १० दिनसम्म सम्भावित जोखिम युक्त बनक्षेत्रमा प्रवेश नगर्न, उक्त क्षेत्रमा सडकमा आवागमन गर्दा रात्रीको समयमा पैदल यात्रा, साइकल तथा मोटरसाइकलबाट यात्रा नगर्न तथा सुरक्षाका भरपर्दो तरिका अपनाउन हुन सरोकारवाला सबैलाई हार्दिक अनुरोध गर्दछौ ।

सूचनामा भनिएको छ । निकुञ्जको मध्यवर्ती क्षेत्रमा मानिसहरुको हिडडुल बढी हुने गरेको छ । त्यस्तै जिविको पार्जनका लागि त्यसक्षेत्रका नागरिकहरु वनक्षेत्रमा जाने गरेका छन् । जस्का कारण उनीहरु बाघको शिकार हुने गरेको पाइएको छ ।

बाघको आक्रमण बढ्दै गएपछि स्थानीयहरु त्रसित बन्दै गएका छन्।

प्रकाशित मिति: शुक्रबार, फागुन २८, २०७७ १४:२८

प्रतिक्रिया दिनुहोस्