प्रधानमन्त्री ओली र नेपालबीच आज चार महिनापछि भेटवार्ता

राजनीति

गृहपृष्ठ
राजनीति
प्रधानमन्त्री ओली र नेपालबीच आज चार महिनापछि भेटवार्ता

प्रधानमन्त्री ओली र नेपालबीच आज चार महिनापछि भेटवार्ता

सोमबार, चैत २, २०७७ बागेश्वरी पोस्ट

फाइल फोटो

नेपालगन्ज । प्रधानमन्त्री केपी शर्मा ओली र नेता माधवकुमार नेपालबीच आज चार महिनापछि भेटवार्ता भएको छ ।

भेटवार्ता एमाले मुख्यालय धुम्बाराहीमा भएको छ । नेपाल बालुवाटार जान नमानेपछि ओली नै पार्टी मुख्यालयमा जान राजी भएका हुन् । ओलीले एकलौटी ढङ्गले सरकार संचालन गर्न थालेपछि रुष्ट बनेका नेपालले ओलीलाई भेटिरहेका थिएनन् । पुस ५ गते ओलीले संसद विघटन नै गरेपछि भने ओली–नेपालबीचको देखभेट नै ठप्प भएको थियो ।

सर्वोच्च अदालतले गत फागुन २३ गते एमाले ब्युँताइदिएपछि एमाले एक हुने अपेक्षा विपरीत गत शुक्रबार ओलीले पदाधिकारीहरु खारेज गरेपछि झनै सम्वन्ध तिक्ततामा परिणत भएको थियो । माधव नेपाल कम्युनिष्ट जति एक हुने अभियानमा लाग्दै माओवादी केन्द्रका अध्यक्ष पुष्पकलम दाहाल प्रचण्डलाई आइतबार मात्रै भेट्न गएपछि ओलीले नेपाललाई बोलाएका हुन् । ओलीले आफूलाई संसद विघटन गरेपछि पार्टीबाट चार चार पटक कार्वाही गरिएको भन्दै नेपालसँग सबैभन्दा बढी रीस साँध्दै आएका छन् ।

तर उनले सत्ता संचालन गर्दा कहिल्यै पनि सचिवालय बैठकमा छलफल गरेनन् । निर्णयबारे सल्लाह गरेनन् । असंवैधानिक बन्दै संसद विघटन गरेको र असंवैधानिक बन्दै संवैधानिक निकायमा नियुक्ति गरिएको भन्दै नेपालले जहिल्यै आक्रोश पोख्दै आएका छन् । एमाले टुक्रिने निश्चित जस्तै भएका बेलामा आइतबार राति राष्ट्रपति विद्यादेवी भण्डारीलाई भेटेपछि ओलीले माधव नेपाललाई भेट्न खोजेपछि यो भेटलाई निकै महत्वका साथ हेरिएको छ ।

प्रकाशित मिति: सोमबार, चैत २, २०७७ १२:१२

प्रतिक्रिया दिनुहोस्