नेपालले दिए ओलीलाई टक्कर,देशभर समानान्तर कमिटीको तयारी

राजनीति

गृहपृष्ठ
राजनीति
नेपालले दिए ओलीलाई टक्कर,देशभर समानान्तर कमिटीको तयारी

नेपालले दिए ओलीलाई टक्कर,देशभर समानान्तर कमिटीको तयारी

मंगलबार, चैत ३, २०७७ बागेश्वरी पोस्ट

फाइल फोटो

नेपालगन्ज। एमाले अध्यक्ष केपी शर्मा ओलीले माधवकुमार नेपाल पक्षलाई निषेध गरेर फागुन २८ गते बालुवाटारमा नेपाल पक्षीय नेतारुको जिम्मेवारी खोसेपछि राष्ट्रिय भेलामार्फत समानान्तर कमिटी निर्माणको तयारीमा लागेका छन् ।

एकलौटी रुपमा नेपाल पक्षका नेताहरुको जिम्मेवारी खोसेपछि नेपाल पक्षले चैत ४ र ५ गते पार्टीको राष्ट्रिय भेला बोलाएर समानान्तर कमिटी बनाउन लागेका हुन् । देशव्यापी रुपमा समानन्तर कमिटी निर्माणको तयारीमा लाग्न आफू पक्षीय कार्यकर्ताहरुलाई निर्देशन दिइसकेका छन् । नेपाल पक्षले राष्ट्रिय भेलामार्फत आफ्ना कार्ययोजनाहरु तयार गर्ने भएको हो । राष्ट्रिय भेलामा केन्द्रीय सदस्य, सांसद, प्रदेश कमिटीका सदस्यहरु, जिल्ला कमिटीका पदाधिकारी, जनसंगठनका पदाधिकारी र जनसंगठनका जिल्ला अध्यक्षहरु सहभागी हुने बेदुराम भुषालले जानकारी दिए ।

‘केपी ओलीले एमालेलाई विभाजनको दिशामा लैजानु भयो, हामी पुनर्गठन गर्छौं,’ उनले भने। ओलीले नेपाल पक्षलाई बाइपास गरेर नेताहरुलाई जिम्मेवारीविहीन बनाएपछि गत शुक्रबार आकस्मिक रुपमा सो पक्षका स्थायी समिति सदस्यहरुको बैठक बसेको थियो । शनिबार केन्द्रीय सदस्यहरुको बैठक राखेको थियो ।

आइतबार पनि नेपाल पक्षका नेताहरुले राष्ट्रिय भेलाको तयारी गरेका थिए । नेपाल पक्षले राष्ट्रिय भेलाको आयोजना गरेपछि दबाबमा परेको ओली समूहले सोमबार नेपाल पक्षसँग कुराकानी गरेका थियो । कुराकानीको क्रममा ओली पक्षले भेला रोकेर मंगलबारको चियापान र ७ गतेको केन्द्रीय कमिटीको बैठकमा आउन आग्रह गरेको थियो । तर नेपाल समूहले २८ गतेको निर्णयलाई फिर्ता नलिएसम्म आफूहरुले कुनै पनि गतिविधि नरोक्ने चेतावनी दिएपछि वार्ता निष्कर्षविहीन भएको थियो ।

सोमबार ओलीसँगको भेटपछि सोमबार साँझ नेपाल पक्षीय नेताहरुले अर्याल होटलमा आफू निकटका सांसदहरुलाई ब्रिफिङ गरेका थिए । त्यस लगत्तै सोही समूहको स्थायी कमिटी सदस्यहरुबीच छलफल भएको थियो । सो छलफलले ओलीले आफूहरुलाई अल्मल्याउने नीति लिएको निष्कर्ष निकालेपछि राष्ट्रिय भेला नरोक्ने नीतिमा पुगेका छन् । महाधिवेशन हुन नसकेको अवस्थामा महाधिवेशनले गर्ने महत्वपूर्ण निर्णयहरु त्यसअघि नै गर्नुपरेमा राष्ट्रिय भेलाको आयोजना गरिन्छ ।

प्रधानमन्त्री ओलीले आफ्नो पक्षमा रहेका सांसदहरुविरुद्ध पनि केही कदम चाले के गर्ने भन्ने बारेमा पनि नेपाल पक्षले छलफल शुरु गरिसकेको छ । नेपाल पक्षका नेताहरुले सोमबार राति अबेरसम्म आफू पक्षका नेताहरुलाई राष्ट्रिय कार्यकर्ता भेलामा आउन आग्रह गरेका छन् ।

उनीहरुले सबै जसो जिल्ला कमिटीका सदस्यहरु र राष्ट्रिय प्रतिनिधि परिषद सदस्यहरुलाई भेलामा आउन आग्रह गरेका छन् । भेलामा ओली समूहमा रहेका केही नेताहरु पनि सहभागी हुने उनीहरुले अपेक्षा गरेका छन् । ‘पार्टी एक हुनपर्छ भन्ने समूहले ओलीलाई दबाब सिर्जना होस् भन्ने उदेश्यले सो समूहमा रहेका तर केही समय निष्कृय बसेका नेताहरु पनि सहभागी हुँदै हुनुहुन्छ’, नेपाल समूहका एक नेताले भने । हाम्राकुराबाट।

प्रकाशित मिति: मंगलबार, चैत ३, २०७७ ०९:१७

प्रतिक्रिया दिनुहोस्