हुकुमी शैलीमा विधान विपरित पार्टी सञ्चालन गर्दा मतभेद बढेको होः रामचन्द्र पौडेल

राजनीति

गृहपृष्ठ
राजनीति
हुकुमी शैलीमा विधान विपरित पार्टी सञ्चालन गर्दा मतभेद बढेको होः रामचन्द्र पौडेल

हुकुमी शैलीमा विधान विपरित पार्टी सञ्चालन गर्दा मतभेद बढेको होः रामचन्द्र पौडेल

बुधबार, चैत ४, २०७७ बागेश्वरी पोस्ट

नेपालगञ्ज । नेपाली कांग्रेसका बरिष्ठ नेता रामचन्द्र पौडेलले कांग्रेसलाई बलियो बनाउन सुधारको आवश्यकता रहेको बताउनुभएको छ । नेपाली कांग्रेस बाँकेले आज पार्टी कार्यायल नेपालगञ्जमा आयोजना गरेको कार्यकर्ता भेलालाई सम्बोधन गर्दै बरिष्ठ नेता पौडेलले मनोमानी ढंगले पार्टी सञ्चालन गर्दा थिति बस्न नसकेको जिकिर गर्नुभयो ।

हुकुमी शैलीमा विधान विपरित पार्टी सञ्चालन गर्दा मतभेद बढेको प्रष्ट पार्दै उहाँले विधिसम्मत तरिकाले पार्टी सञ्चालन हुन नसक्दा अहिलेको स्थिति आएको दाबी गर्नुभयो । संविधान र व्यवस्था नै उल्टाउने षड्यन्त्र भइरहेको दाबी गर्दै बरिष्ठ नेता पौडेलले संविधान र व्यवस्था जोगाउने दायित्व कांग्रेसको काँधमा आएको बताउनुभयो ।

महामन्त्री डा.शंशाक कोइरालाले कांग्रेसको मूल नेतृत्व नबदलेर कांग्रेस सुदृढ हुन नसक्ने जिकिर गर्नुभयो । उहाँले एकताबद्ध कांग्रेसले मात्र मुलुकलाई उचित निकास दिन नसक्ने बताउनुभयो । सरकार वा चुनावमा कतै पनि कम्युनिष्टहरुसंग मिल्नु कांग्रेसका लागि घातक हुने महामन्त्री डा.कोइरालाको भनाई छ ।

No description available.

केन्द्रिय सदस्य डा.शेखर कोइरालाले १४ औं महाधिवेशनपछि कांंग्रेसका नेता कार्यकर्ताले अन्याय सहनुनपर्ने दाबी गर्दै सहमति, सहकार्य र एकताबाट सुदृढ कांग्रेस निर्माण हुने बताउनुभयो । केन्द्रिय सदस्य डा.मिनेन्द्र रिजालले मुलुक अब ढिलो चाँडो निर्वाचन उन्मुख भएको भन्दै संविधानको बाटो भएर कांग्रेस चुनावमा जाने स्पष्ट पार्नुभयो । संविधानलाई भत्काएर गरिने चुनाव कांग्रेसले नमान्ने रिजालको भनाई छ ।

No description available.