कांग्रेसमा गिरी परिवारको ठूलो योगदान छ : वरिष्ठ नेता पौडेल

राजनीति

गृहपृष्ठ
राजनीति
कांग्रेसमा गिरी परिवारको ठूलो योगदान छ : वरिष्ठ नेता पौडेल

कांग्रेसमा गिरी परिवारको ठूलो योगदान छ : वरिष्ठ नेता पौडेल

बिहीबार, चैत ५, २०७७ बागेश्वरी पोस्ट

दाङ । नेपाली कांग्रेसका वरिष्ठ नेता रामचन्द्र पौडेलले देशको राजनीतिक अवस्था संकटमा परेको वताउनुभएको छ । दाङ तुलसीपुर निवासी लोकतान्त्रिक आन्दोलनका अथक योद्धा काङग्रेस नेता स्वर्गिय लोकमणि गिरीको आज १३ औं दिनको पुण्यतिथीका अवसरमा आयोजित श्रद्धाञ्जली सभामा पौडेलले अहिले कांग्रेस अन्यौलमा परेकोले देशको अवस्था झनै अन्यौलमा परेको दावी गर्नुभयो । उहाँले भन्नुभयो- "एउटा लडाईं पार गरेका छौं, संसद पुन:स्थापना भयो, देश विघटनबाट वच्यो तर फेरि विकृतिबाट वचाउन जरुरी छ, यहाँ विभिन्न षड्यन्त्र भैरहेका छन्, प्रतिनिधि सभालाई फेरि मार्ने खेल भैरहेको छ," नेता पौडेलले भन्नुभयो । पौडेलले सत्ता भन्दा व्यवस्था ठूलो र महत्वपूर्ण भएकाले व्यवस्थालाई कसरी वचाउन सकिन्छ, यसतर्फ सोचेर लाग्न सवै कार्यकर्ता र पार्टी नेतृत्वलाई आग्रह गर्नुभयो । पौडेलले नेतृत्वको अन्धभक्त भएर होइन सही वोलेर पार्टी सही दिशामा जाने स्पष्ट पार्नुभयो । "मोई माग्ने ढुङग्रो लुकाउने नगरौं, आन्तरिक कुरा खुलस्त पारौं, ढाकछोपले पार्टी वलियो र मजवुत बन्दैन त्यसैले कार्यकर्ताले नेताको र नेताले कार्यकर्ताको ख्याल गरेर हिंड्न सक्यौं भने अवश्य लक्ष्यमा पुग्छौं", वरिष्ठ नेता पौडेलले भन्नुभयो । लोकतन्त्रको कालो वादल हटाउने जिम्मेवारी कांग्रेसको काँधमा आएको समेत नेता पौडेलले स्पष्ट पार्नुभयो । श्रद्धाञ्जली सभामा नेता पौडेलले पार्टीमा गिरी परिवारले पुर्याएको योगदानको चर्चा गर्दै कांग्रेसका केन्द्रिय सदस्य तथा पूर्व मन्त्री दिपक गिरीका वुवा स्वर्गीय लोकमणि गिरीको योगदान अझ अहम् रहेको स्मरण गर्दै सच्चा निष्ठाको राजनीति गर्न उहाँवाट सिक्नुपर्ने बताउनुभयो । कार्यक्रममा कांग्रेस केन्द्रिय सदस्य तथा पूर्व मन्त्री रामकृष्ण यादव र केन्द्रिय सदस्य देवेन्द्रराज कँडेलले विचारको राजनीतिमा खडेरी नलागेको बताउँदै लोकतान्त्रिक संविधानको रक्षा गर्ने जिम्मेवारी कांग्रेसको काँधमा आएको बताउनुभयो । काङग्रेस दाङका सभापति कृति वहादुर खड्काको अध्यक्षता एवं उपसभापति रामचन्द्र पौडेलको प्रमुख आतिथ्यतामा भएको कार्यक्रममा कांग्रेस नेताहरु डिल्ली वहादुर चौधरी, राजु खनाल, अनिता देवकोटा, शंकर गिरी, कृष्ण किशोर घिमिरे, बर्दियाका सभापति संजय गौतम, टेक बहादुर वली, महिला संघ दाङका अध्यक्ष गोमा रावत, तरुण दलका अध्यक्ष टिका घर्ती, पूर्व सभापतिहरु, अन्य जिल्लाका नेता लगायतले श्रद्धाञ्जली मन्तव्य व्यक्त गर्नुभएको थियो । स्वर्गीय गिरीका जेठा छोरा दिपक गिरीले धन्यवाद ज्ञापन गरेको कार्यक्रमको सहजीकरण कांग्रेस दाङका सचिव शंकर डाँगीले गर्नुभएको थियो ।

प्रकाशित मिति: बिहीबार, चैत ५, २०७७ २१:१७

प्रतिक्रिया दिनुहोस्