एमालेले ४ नेताका घरमा स्पष्टीकरण पत्र पठायो

राजनीति

गृहपृष्ठ
राजनीति
एमालेले ४ नेताका घरमा स्पष्टीकरण पत्र पठायो

एमालेले ४ नेताका घरमा स्पष्टीकरण पत्र पठायो

सोमबार, चैत ९, २०७७ बागेश्वरी पोस्ट

फाइल फोटो

नेपालगन्ज ।नेकपा एमालेले पार्टी हित विपरीत गतिविधि गरेको भन्दै चार नेताको घरमा स्पष्टीकरणको पत्र पठाएको छ। एमाले महासचिव ईश्वर पोखरेलले वरिष्ठ नेता माधव नेपालसहित नेताहरू भीम रावल, सुरेन्द्र पाण्डे र धनश्याम भुसाललाई स्पष्टीकरण सोध्दै प्रश्नसहितको पत्र उनीहरूका घरमा पठाएका हुन् । पार्टी कार्यालयका एक कर्मचारीले पार्टी हित विपरीत गतिविधि कि गरेको भन्दै चारै नेताका घरमा स्पष्टीकरणको पत्र बुझाइएको जानकारी दिए । ती नेताका घरमा उनीहरूका स्वकीय सचिवहरूलाई पत्र बुझाइएको हो । तर एमाले नेता भीम रावलले भने स्पष्टीकरणबारे पठाइएको पत्र बारेमा आफूलाई थाहा नभएको जानकारी दिए । ‘खै मलाइ पत्र आएको थाहा छैन, कस्तो पत्र भन्नु भएको हो थाहा भएन,’ नेता रावलले भने । एमालेका चार नेतालाई पार्टी हित विपरीत गतिविधि गरेको भन्दै गत शनिवार बसेको केन्द्रीय समिति बैठकले स्पष्टीकरण सोध्ने निर्णय गरेको थियो । स्पष्टीकरण बुझाउनका लागि तीन दिनको समय दिइएको एमाले पार्टी कार्यालयले जनाएको छ ।

प्रकाशित मिति: सोमबार, चैत ९, २०७७ १३:०७

प्रतिक्रिया दिनुहोस्