सम्पर्कविहीन स्वास्थ्य सचिव डब्लूएचओमा जागिरे !

समाचार

गृहपृष्ठ
समाचार
सम्पर्कविहीन स्वास्थ्य सचिव डब्लूएचओमा जागिरे !

सम्पर्कविहीन स्वास्थ्य सचिव डब्लूएचओमा जागिरे !

मंगलबार, मंसिर १०, २०७६ बागेश्वरी पोस्ट

स्वास्थ्य तथा जनसंख्या मन्त्रालयकी सचिव डा. पुष्पा चौधरी

काठमाडौं । एक महिनादेखि सम्पर्कविहीन रहेकी स्वास्थ्य तथा जनसंख्या मन्त्रालयकी सचिव डा. पुष्पा चौधरी विश्व स्वास्थ्य संगठन (डब्लूएचओ) मा जागिर खान गएको खुलासा भएको छ।

पदबाट राजीनामा दिएर सम्पर्कविहीन भएकी उनले नयाँ दिल्लीस्थित डब्लूएचओको दक्षिण एसियाली क्षेत्रीय कार्यालयमा वरिष्ठ अफिसरमा नाम निकालेकी छन्। उनले त्यहाँ मासिक १६ लाख रुपैयाँ तलब पाउने बताइएको छ ।

आफ्नो कार्यकाल दुई वर्षभन्दा बढी बाँकी छँदै उनले गएको कात्तिक १३ गते पदबाट राजीनामा दिएकी थिइन्। तर उनको उनको राजीनामा मन्त्रिपरिषद्ले अस्वीकृत गर्दै फिर्ता मन्त्रालयमा पठाएको थियो।

स्वास्थ्य मन्त्रालयका प्रवक्ता महेन्द्रप्रसाद श्रेष्ठले राजीनामा पेस गरेपछि सचिव चौधरी सम्पर्कमा नआएको बताएका छन्। चौधरीलाई राजीनामा अस्वीकृत भएको जानकारी इमेलमा पठाइएको श्रेष्ठले बताए। डा. चौधरीको मोबाइल स्विच अफ छ।

प्रकाशित मिति: मंगलबार, मंसिर १०, २०७६ १४:०९

प्रतिक्रिया दिनुहोस्