बाँके निकुुञ्जमा मोटरसाइकल, साइकल र पैदल यात्रा गर्न रोक

समाचार

गृहपृष्ठ
समाचार
बाँके निकुुञ्जमा मोटरसाइकल, साइकल र पैदल यात्रा गर्न रोक

बाँके निकुुञ्जमा मोटरसाइकल, साइकल र पैदल यात्रा गर्न रोक

बुधबार, चैत ११, २०७७ बागेश्वरी पोस्ट

नेपालगञ्ज । नियन्त्रणमा लिइएको बाघ भागेपछि बाँके राष्ट्रिय निकुञ्जले उच्च सतर्कता अपनाएको छ । मान्छे मार्ने बाघ खोरबाट भागेपछि उच्च सर्तकता अपनाइएको निकुञ्जले जनाएको छ ।

निकुञ्जका प्रमुख संरक्षण अधिकृत श्यामकुमार शाहले सुरक्षित रुपले खोरमा राखिएको बाघ आफैं निस्केपछि निकुञ्ज अन्तर्गत् पर्ने राजमार्ग र मध्यवर्ती क्षेत्रमा सर्तकता अपनाउन सूचित गरिएको बताउनुभयो । मध्यवर्ती क्षेत्रका स्थानीय बासिन्दालाई अत्यावश्यक काम बाहेक जंगलभित्र प्रवेश नगर्न उहाँले आग्रह गर्नुभएको छ । निकुञ्ज कार्यालयले पूर्व पश्चिम राजमार्गको शिवखोलादेखि प्रगतिनगरसम्मको क्षेत्रमा रातको समयमा पैदल, साइकल र मोटरसाइकलबाट आवतजावत नगर्न सूचना जारी गरिरहेको शाहले जानकारी दिनुभयो ।

बर्दियाको खाता जैविक मार्गबाट चैत ५ गते नियन्त्रणमा लिइएको उक्त बाघलाई डिभिजन वन कार्यालय बर्दियाले बाँके राष्ट्रिय निकुञ्ज समक्ष बुझाएको थियो । निकुञ्जको खैरी पोष्ट क्षेत्रमा राखिएको खोरबाट हिजो बिहान ६ बजेतिर बाघ भागेपछि निकुञ्ज अन्तर्गत् पर्ने पूर्वपश्चिम र रत्न राजमार्ग तथा मध्यवर्ती क्षेत्रमा उच्च सर्तकता अपनाइएको हो ।

प्रकाशित मिति: बुधबार, चैत ११, २०७७ १७:०२

प्रतिक्रिया दिनुहोस्