डुडुवामा ४४ हजारलाई हात्तीपाइले विरुद्धको औषधि खुवाइँदै

स्वास्थ्य

गृहपृष्ठ
स्वास्थ्य
डुडुवामा ४४ हजारलाई हात्तीपाइले विरुद्धको औषधि खुवाइँदै

डुडुवामा ४४ हजारलाई हात्तीपाइले विरुद्धको औषधि खुवाइँदै

शुक्रबार, चैत १३, २०७७ सौरभ गिरी

डुडुवा (बाँके) । डुडुवा गाउँपालिकामा ४४ हजारलाई हात्तीपाइले रोग विरुद्धको औषधि खुवाइँदैछ । गाउँपालिकाको स्वास्थ्य शाखाले आज पत्रकार अन्तरक्रिया गरेर चैत २० गतेदेखि सुरु हुने हात्तीपाइले रोग निवारणका लागि राष्ट्रिय आम औषधि सेवन कार्यक्रमबारे जानकारी गराएको हो ।

स्वास्थ्य शाखा प्रमुख धनबहादुर बुढाले पालिकामा ४४ हजार २१ जनालाई हात्तीपाइले रोग विरुद्धको औषधि खुवाउन ६० जना स्वास्थ्यकर्मी ५९ जना महिला स्वास्थ्य स्वयंसेवक परिचालन गरिने जानकारी दिनुभयो । तालिम प्राप्त स्वास्थ्यकर्मीहरुले घर नजिकैको बुथमा औषधि खुवाउनेछन् । गर्भवती, सुत्केरी र सिकिस्त विरामी बाहेक २ वर्ष माथिका सबैलाई औषधि खुवाउने लक्ष्य छ ।

बाँकेसहित १२ जिल्लामा आम औषधि सेवन कार्यक्रम संचालन हुँदैछ । बाँकेमा २०६७ सालदेखि हात्तीपाइले रोग विरुद्धको औषधि खुवाउन सुरु गरिएको हो ।

प्रकाशित मिति: शुक्रबार, चैत १३, २०७७ १३:१९