को-को परे शेरधन राईको मन्त्रिमण्डल विस्तारमा ?

राजनीति

गृहपृष्ठ
राजनीति
को-को परे शेरधन राईको मन्त्रिमण्डल विस्तारमा ?

को-को परे शेरधन राईको मन्त्रिमण्डल विस्तारमा ?

शुक्रबार, चैत १३, २०७७ बागेश्वरी पोस्ट

नेपालगन्ज। आज प्रदेश नम्बर १ सरकारले मन्त्रीमण्डल पुनर्गठन गरेको छ । मुख्यमन्त्री शेरधन राईले तेस्रो पटक मन्त्रीमण्डल पुनर्गठन गर्दै छ जना मन्त्री थप गरेका हुन् ।

भौतिक पूर्वाधार विकास राज्यमन्त्री अम्बिरबाबु गुरुङ सोही मन्त्रालयको ‘फुल मन्त्री’ बनेका छन् ।

त्यसै गरी पहिल्यै मन्त्रीको शपथ लिने तयारी भएर पनि भूमि व्यवस्था, कृषि तथा सहकारी राज्यमन्त्रीमा सीमित बनेका राम राना शुक्रवार सोही मन्त्रालयको ‘फुल मन्त्री’ बनेका छन् ।

यता माओवादी छाडेका टङ्क आङ्बुहाङले आर्थिक मामिला तथा योजना मन्त्रीका रूपमा शपथ लिए । खोटाङकी प्रदेश सांसद उषाकला राई सामाजिक विकास मन्त्री भएकी छन् ।

उदयपुरकी सांसद कला घले कृषि राज्यमन्त्री र मोरङका राजकुमार ओझा उद्योग, पर्यटन, वन तथा वातावरण राज्यमन्त्रीमा शपथ लिएका छन् ।

मुख्यमन्त्री तथा मन्त्रिपरिषद्को कार्यालयले शपथका लागि तयारी गर्न भनेपछि प्रदेश प्रमुखको कार्यालयमा शपथ ग्रहणका लागि आवश्यक तयारी भइरहेको जनाइएको छ ।

शपथपछि प्रदेश १ सरकारको ६ वटै मन्त्रालयले ‘फुल मन्त्री’ पाएको छ । शपथपछि प्रदेश १ को मन्त्रिमण्डल ९ सदस्यीय भएको छ ।

सर्वोच्च अदालतको फैसलाले दल अलग भएपछि मुख्यमन्त्री शेरधन राई आफ्नो दल नेकपा एमालेभित्र बलियो बनेका हुन् ।

उनले आफू विरुद्धको अविश्वास प्रस्तावमा हस्ताक्षर गरेका माधवकुमार नेपाल पक्षका सांसदहरूलाई हस्ताक्षर फिर्ता लिन लिखित निर्देशन दिइसकेका छन् ।

प्रकाशित मिति: शुक्रबार, चैत १३, २०७७ १४:३०

प्रतिक्रिया दिनुहोस्

आम निर्वाचन-२०७९

आज मध्यरातदेखि उपनिर्वाचनको मौन अवधि बागेश्वरी पोस्ट

मन्त्री र उम्मेदवार छान्न कांग्रेसको केन्द्रीय कार्यसम्पादन समिति बैठक बस्दै बागेश्वरी पोस्ट

उप–चुनावमा भाग लिन दल दर्ताका लागि दिएको समय आज सकिँदै बागेश्वरी पोस्ट