बाँकेमा नरभक्षी बाघको व्यवस्थापन नगरिए आन्दोलन गर्ने चेतावनी

समाचार

गृहपृष्ठ
समाचार
बाँकेमा नरभक्षी बाघको व्यवस्थापन नगरिए आन्दोलन गर्ने चेतावनी

बाँकेमा नरभक्षी बाघको व्यवस्थापन नगरिए आन्दोलन गर्ने चेतावनी

शनिबार, चैत १४, २०७७ बागेश्वरी पोस्ट

नेपालगन्ज । नेपाली कांग्रेस बाँके क्षेत्र नम्बर १ का सचिव एवम् सामुदायिक वन उपभोक्ता महासंघका केन्द्रिय सदस्य डिल्ली गिरीले नरभक्षी बाघको व्यवस्थापन नगरिए आन्दोलन गर्ने चेतावनी दिनुभएको छ ।

गिरीले नेपाल सरकार, वन मन्त्रालय, वन विभाग, राष्ट्रिय निकुञ्ज विभाग र त्यसकाे कार्यान्वयन गर्ने निकाय जिल्ला प्रशासन कार्यालय बाँके, डिभिजन वन कार्यालय बाँके, बाँके राष्ट्रिय निकुञ्जलाई बर्दियाबाट ल्याएकाे नरभक्षी पाटेबाघकाे छिटाे र सहज ब्यवस्थापन गरी सहज र शान्तसंग बाँच्ने वातावरण बनाइदिन आग्रह गर्नुभएको छ । "यदि यसरी नै जनतालाई मानसिक तनावमा राख्ने भए हामी संरक्षणकर्मीहरुले पनि बाध्य भयर जनताकाे नेतृत्व गर्दै सरकार (निकुञ्ज) बिरुद्ध आन्दोलन गर्ने अवस्था नआओस्", गिरीले भन्नुभएको छ ।

नरभक्षी बाघकाे आक्रमणबाट कुनै मानवीय क्षति भएमा त्यसकाे ठूलाे मूल्य निकुञ्जले चुकाउनुपर्ने चेतावनी पनि उहाँले दिनुभएको छ । गिरीले भन्नुभएको छ-"मध्यवर्तीका जनता त्रसित हुँदै गएका छन् । दैनिक कामकाज गर्ने स्थानीयहरु बाघको डरले घरबाट बाहिर निस्किन पाएका छैनन् । निकुञ्जको लापरबाहीले स्थानीयहरु मर्कामा परेका छन् ।"

बर्दिया राष्ट्रिय निकुञ्जबाट समातेर ल्याइएर बाँके निकुञ्जको खैरी पोष्टमा राखिएको बाघ मंगलबार विहान ६ बजे भागेपछि स्थानीय त्रासमा छन् ।

निकुञ्जले पनि होसीयारी अपनाउन आग्रह गरिरहेको छ ।

प्रकाशित मिति: शनिबार, चैत १४, २०७७ ११:४४

प्रतिक्रिया दिनुहोस्