नेपाली कांग्रेसले तीन दिनसम्म पार्टीको झण्डा आधा झुकाउने

राजनीति

गृहपृष्ठ
राजनीति
नेपाली कांग्रेसले तीन दिनसम्म पार्टीको झण्डा आधा झुकाउने

नेपाली कांग्रेसले तीन दिनसम्म पार्टीको झण्डा आधा झुकाउने

शनिबार, चैत १४, २०७७ बागेश्वरी पोस्ट

नेपालगन्ज ।नेपाली कांग्रेसले तीन दिनसम्म केन्द्रीय कार्यालय र सबै जिल्ला कार्यालयहरुमा पार्टीको झण्डा आधा झुकाउने निर्णय भएको छ ।कांग्रेस नेता तथा पूर्वमन्त्री नवीन्द्रराज जोशीको निधनमा तीन दिनसम्म पार्टीको झण्डा आधा झुकाउने निर्णय भएको छ।

आज बसेको कांग्रेस केन्द्रीय कार्यसमितिको आकस्मिक बैठकले उक्त तीन दिनसम्म शोकका कार्यक्रमहरु बाहेक पार्टीका अरु औपचारिक कार्यक्रमहरु नगर्ने निर्णय भएको छ ।

मुख्य सचिब कृष्ण प्रसाद पौडेलद्वारा जारी विज्ञप्तिमा २०७७ चैत्र १७ गते मंगलबारका दिन केन्द्र तथा सबै जिल्ला कार्यालयहरु बन्द गर्ने, १३ औं दिनसम्म केन्द्रीय कार्यालय र सबै जिल्ला कार्यालयहरुमा शोक पुस्तिका राख्ने निर्णय भएको उल्लेख छ ।

त्यस्तै १३ औं दिनमा केन्द्र र सबै जिल्लामा भौतिक दुरी कायम गर्दै शोक सभाको आयोजना गर्ने पनि निर्णय भएको छ । नेपालको लोकतान्त्रिक आन्दोलनमा चार दशक भन्दा लामो समय अनवरत संघर्षरत अथक योद्धा जोशीको निधनबाट नेपाली कांग्रेस मर्माहत र स्तब्ध भएको पनि विज्ञप्तिमा उल्लेख छ ।

जोशीको काठमाडौंको नर्भिक अस्पतालमा उपचारका क्रममा शुक्रबार राति ८ः२४ बजे निधन भएको थियो ।

प्रकाशित मिति: शनिबार, चैत १४, २०७७ १५:०८

प्रतिक्रिया दिनुहोस्