दाङको यातायात बन्द दिउँसोदेखि फिर्ता, गाडी चल्न थाले

समाचार

गृहपृष्ठ
समाचार
दाङको यातायात बन्द दिउँसोदेखि फिर्ता, गाडी चल्न थाले

दाङको यातायात बन्द दिउँसोदेखि फिर्ता, गाडी चल्न थाले

मंगलबार, चैत १७, २०७७ बागेश्वरी पोस्ट

दाङ । दाङमा यातायात मजदुर संगठनहरुले आह्वान गरेको अनिश्चितकालीन यातायात बन्द फिर्ता लिएका छन् । बन्द फिर्ता भएसंगै दिउँसोदेखि गाडी चल्न थालेका छन् ।

यातायात मजदुर, यातायात व्यवसायी र स्थानीय प्रशासनबीच भएको बैठकमा आज दिउँसो १ बजेदेखि यातायात बन्द फिर्ता लिने सहमति भएको थियो । यातायात मजदुर र यातायात व्यवसायी बीच ६ बुँदे लिखित सहमति भएपछि बन्द फिर्ता भएको हो । प्रमुख जिल्ला अधिकारी दीर्घनारायण पौडेलको अध्यक्षतामा बैठक बसेको थियो ।

यातायात मजदुरहरुको तलब भत्ता नियमितरुपमा उपलब्ध गराउन यातायात व्यवसायीहरुको मञ्जुरी रहेको, सबै यातायात व्यवसायीहरुले सामाजिक सुरक्षा कोष ऐन २०७४ कार्यान्वयन गर्ने, नेपाल सरकार, नेपाल यातायात व्यवसायी महासंघ र तीन वटै मजदुर ट्रेड युनियन बीच भएको संयुक्त बैठकले गरेको निर्णय कार्यान्वयनमा सहयोग गर्ने, कोभिड –१९ को भ्याक्सिन यातायात मजदुरहरुलाई लगाउन प्राथमिकतामा राख्ने लगायतको सहमति भएको छ ।

प्रकाशित मिति: मंगलबार, चैत १७, २०७७ १४:२६

प्रतिक्रिया दिनुहोस्