लुम्बिनी प्रदेश सभाको सातौं अधिवेशन आजदेखि शुरु

राजनीति

गृहपृष्ठ
राजनीति
लुम्बिनी प्रदेश सभाको सातौं अधिवेशन आजदेखि शुरु

लुम्बिनी प्रदेश सभाको सातौं अधिवेशन आजदेखि शुरु

बुधबार, चैत १८, २०७७ बागेश्वरी पोस्ट

बुटवल । लुम्बिनी प्रदेशको प्रदेश सभाको सातौं तथा हिउँदे अधिवेशन आज बुधवारदेखि सुरु हुँदै छ । वर्षे अधिवेसन सकिएको ठीक छ महिनापछि हिउँदे अधिवेसन सुरु हुन लागेको हो ।

यस अघि नेपाल कम्युनिष्ट पार्टी (नेकपा)का रुपमा प्रदेश सभामा रहेका सत्तारुढ दल अहिले विभाजित अवस्थामा छ । सर्वोच्च अदालतको गत फागुन २३ गतेको फैसलाले सत्तारुढ नेकपालाई एकिकरण अघिको अवस्थामा पु¥याइदिएको थियो । एमाले र माओवादी केन्द्र ब्युँतिएपछि अब मुख्यमन्त्री शंकर पोखरेल नेतृत्वको सरकार गठबन्धन सरकारको रुपमा रहेको छ ।

यसको असर प्रदेश सभामा पनि देखिने पक्का भएको छ । नेकपा (एमाले) र एकीकृत नेकपा (माओवादी) दुई छुट्टाछुट्टै लहरमा बस्ने भएका छन । ‘अर्को दलले समर्थन फिर्ता नलिइएको अवस्थामा गठबन्धन सरकार कायम रहन्छन् । मन्त्रीहरुको बसाई सरकारकै लहरमा हुन्छ,’ उनले भने ‘दल चाँही फरक फरक भएकाले लहर चाँही फरक फरक हुन्छ भन्ने नै छ ।’