सांसद् पद गुमाएका चारै जना नेतालाई मन्त्रिपरिषद्मा पुनर्नियुक्ति

राजनीति

गृहपृष्ठ
राजनीति
सांसद् पद गुमाएका चारै जना नेतालाई मन्त्रिपरिषद्मा पुनर्नियुक्ति

सांसद् पद गुमाएका चारै जना नेतालाई मन्त्रिपरिषद्मा पुनर्नियुक्ति

शुक्रबार, चैत २७, २०७७ बागेश्वरी पोस्ट

नेपालगन्ज । माओवादी केन्द्र छाडेर एमाले प्रवेश गरेपछि सांसद् पद गुमाएका चार जना नेतालाई मन्त्रिपरिषद्मा पुनर्नियुक्ति गरिएको छ ।

प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले एमाले प्रवेश गरेका टोपबहादुर रायमाझी, लेखराज भट्ट, प्रभु साह र गौरीशंकर चौधरीलाई मन्त्रिपरिषद्मा पुनर्नियुक्ति गरेकी हुन् ।

राष्ट्रपति कार्यालयका अनुसार टोपबहादुर रायमाझीलाई ऊर्जा, जलस्रोत तथा सिँचाई मन्त्रालय, लेखराज भट्टलाई उद्योग, वाणिज्य तथा आपूर्ति मन्त्रालय, प्रभु साहलाई सहरी विकास मन्त्रालय र गौरीशंकर चौधरीलाई श्रम, रोजगार तथा सामाजिक सुरक्षा मन्त्रालयमा पुनर्नियुक्ति गरिएको हो। उनीहरु चारै जनालाई राष्ट्रपति भण्डारी प्रधानमन्त्री ओलीको नेतृत्वमा २०७४ फागुन ३ गते गठित मौजुदा मन्त्रिपरिषद्मा नेपालको संविधानको धारा ७८ को उपधारा (१) बमोजिम प्रधानमन्त्रीको सिफारिसमा नियुक्ति गरी कार्यभार समेत तोकिएको राष्ट्रपति कार्यालय जनाएको छ ।

प्रधानमन्त्रीका प्रेस सल्लाहकार सूर्य थापाले पदएको जानकारी अनुसार पुनर्नियुक्ति पाएका चारैजना मन्त्रीले आजै साँझ ५ बजे सपथ लिनेछन् ।

हालै एमाले केन्द्रीय सदस्यमा मनोनीत भएका उनीहरुलाई नेकपा माओवादी केन्द्रले दलबाट निश्कासनको कारबाही गरेको थियो। राजनीतिक दलसम्बन्धी ऐन २०७३ को दफा ३४ (१) मा सांसदलाई निर्वाचित भएको दलले निश्कासन गरेपछि सांसद पनिबाट पदमुक्त हुने व्यवस्था छ। सोहि व्यवस्थाअनुसार प्रतिनिधिसभाको बिहीबार ९हिजो०को बैठकमा सभामुख अग्निप्रसाद सापकोटाले चारै जना सांसद्को पद रिक्त रहेको भएको घोषणा गरेका थिए। सांसदहरुको हैसियतमा पाएको मन्त्री पदबाट उनीहरु स्वतः पदमुक्त भएका थिए ।

प्रकाशित मिति: शुक्रबार, चैत २७, २०७७ १५:४८

प्रतिक्रिया दिनुहोस्