नवनियुक्त मन्त्रीलाई सरकारबाट फिर्ता हुन जसपाको निर्देशन

राजनीति

गृहपृष्ठ
राजनीति
नवनियुक्त मन्त्रीलाई सरकारबाट फिर्ता हुन जसपाको निर्देशन

नवनियुक्त मन्त्रीलाई सरकारबाट फिर्ता हुन जसपाको निर्देशन

सोमबार, वैशाख ६, २०७८ बागेश्वरी पोस्ट

नेपालगन्ज । जनता समाजवादी पार्टी (जसपा)ले पार्टी निर्णय विपरीत लुम्बिनी प्रदेशमा मन्त्री पदको सपथ लिएको भन्दै ४ सांसदलाई २४ घण्टे स्पष्टीकरण सोधेको छ ।

जनता समाजवादी पार्टी (जसपा)को लुम्बिनी प्रदेश समितिका अध्यक्ष अशोक कुमार यादवले सोमबार (आज) एक विज्ञप्ति जारी गर्दै, पदको सपथ लिएका सन्तोष कुमार पाण्डे, विजय बहादुर यादव, सुमन शर्मा रायमाझी र कल्पना पाण्डे लगायतसंग स्पष्टीकरण मागिएको हो ।

जारी विज्ञप्तिमा भनिएको छ, सरकारबाट राजीनामा दिई उचित स्पष्टिकरण नदिएमा सांसद पद नरहने गरी कारबाहीका लागि कानुनी प्रक्रिया अवलम्बन गर्ने पनि उल्लेख गरिएको छ ।

स्पष्टीकरणको जवाफ आइसकेपछि त्यसको आधारमा कारवाही गरिनेछ ।’ उनीहरुलाई कारवाहीको प्रकृया अगाडि बढाउन पार्टीका केन्द्रीय अध्यक्ष उपेन्द्र यादवले निर्देशन दिएको आधारमा प्रकृया सुरु गरिएको उनले बताए ।

यता, जसपा नेपालका अध्यक्ष महन्थ ठाकुर पक्षका नेताहरुले जसपा नेपालका नव नियुक्त मन्त्रीहरुलाई बधाई तथा कार्यकालको शुभकामना दिइरहेका छन् ।

चार जनामध्ये तत्कालिन समाजवादी पार्टीका सन्तोष पाण्डे, विजयबहादुर यादव र सुमन रायमाझी प्रदेश सांसद हुन् भने कल्पना पाण्डे तत्कालिन राजपा नेपालका प्रदेश सांसद हुन् ।

प्रकाशित मिति: सोमबार, वैशाख ६, २०७८ १९:५१

प्रतिक्रिया दिनुहोस्