जबरजस्ती करणी प्रयास गर्ने झाँक्री प्रहरी नियन्त्रणमा

समाचार

गृहपृष्ठ
समाचार
जबरजस्ती करणी प्रयास गर्ने झाँक्री प्रहरी नियन्त्रणमा

जबरजस्ती करणी प्रयास गर्ने झाँक्री प्रहरी नियन्त्रणमा

शनिबार, मंसिर १४, २०७६ बागेश्वरी पोस्ट

बर्दिया । बर्दियामा झारफुकको बहानामा जबरजस्ती करणी प्रयास गर्ने एक झाँक्रीलाई प्रहरीले नियन्त्रणमा लिएको छ । जिल्लाको गुलरिया नगरपालिका-८ आशापुर बस्ने ५१ वर्षीय जगतनाथ लोधलाई एक महिलालाई एकान्तमा लगेर जबरजस्ती गर्न खोजेको आरोपमा प्रहरीले नियन्त्रणमा लिएको हो ।

लोधले गत मंगलबार झारफुक गर्ने बहानामा गाउँकै बुढिया खोलामा लगेर जबरजस्ती करणी गर्न खोजेको पीडित महिलाको आरोपको आधारमा पक्राउ गरिएको प्रहरीले बताएको छ ।

पीडित महिलालाई तिम्रो श्रीमान यता आउन मिल्दैन भन्दै लाेधले करिब आधा किलोमिटर पर राख्न लगाएका थिए । पीडित महिलाले सुरुमा झारफुक गरेजस्तो गर्दै बिस्तारै जबरजस्ती करणी गर्न खोजेको प्रहरीलाई बताएकी छन् ।

पीडित महिलाले त्यहाँबाट भागेर श्रीमानसँगै प्रहरीलाई खबर गरेकी थिइन । प्रहरीले घटनाबारे थप अनुसन्धान प्रक्रिया अगाडि बढाएको जनाएको छ ।

प्रकाशित मिति: शनिबार, मंसिर १४, २०७६ ०७:२५

प्रतिक्रिया दिनुहोस्