मुख्यमन्त्रीज्यु सिद्धान्तका दस्तावेजलाई थन्काएर कोभिड विरुद्धको व्यवस्थापनमा गम्भीर भएर लाग्नुहोस्: सांसद गिरी

समाचार

गृहपृष्ठ
समाचार
मुख्यमन्त्रीज्यु सिद्धान्तका दस्तावेजलाई थन्काएर कोभिड विरुद्धको व्यवस्थापनमा गम्भीर भएर लाग्नुहोस्: सांसद गिरी

मुख्यमन्त्रीज्यु सिद्धान्तका दस्तावेजलाई थन्काएर कोभिड विरुद्धको व्यवस्थापनमा गम्भीर भएर लाग्नुहोस्: सांसद गिरी

सोमबार, वैशाख १३, २०७८ बागेश्वरी पोस्ट

नेपालगन्ज । नेपाली काँग्रेसका नेता तथा लुम्बिनी प्रदेशका सांसद शंकर गिरीले लुम्बिनी प्रदेशका मुख्यमन्त्री शंकर पोखरेललाई कोरोना नियन्त्रणमा ध्यान दिन आग्रह गर्नुभएको छ ।

गिरीले अहिले सिद्धान्तका दस्तावेजलाई थन्काएर कोभिड विरुद्धको ब्यवस्थापनमा गम्भीर भएर लाग्न मुख्यमन्त्री पोखरेललाई सुझाव दिनुभएको छ । उहाँले आज सोमबार सामाजिक सञ्जाल फेसबुकमा प्रेस बिज्ञप्ती मार्फत् मुख्यमन्त्री पोखरेललाई यस्तो सुझाव दिनुभएको हो ।

"छिमेकी मुलुक भारतसंग सीमा जोडिएका यस प्रदेशका ६ जिल्लामा कोभिडको प्रकोपले तवाही मच्चाएको छ । अस्पतालमा अक्सिजनको अभावले डरलाग्दो अवस्थाको संकेत गरेको छ । यस तर्फ सरकार बेखवर छ, सुतेको छ । राष्ट्रिय राजनीतिमा प्रभाव राख्ने भनेर चर्चाको शिखरमा पुग्न चाहने यस प्रदेशका मुख्यमन्त्री मा. शंकर पोखरेल सम्पर्क विहीन अवस्थामा रहेको सञ्चार माध्यमले पुष्टि गर्दैछ । आजको अवस्थामा जनताको जीवन रक्षा भन्दा अरु कुनै राजनीति हुनु हुँदैन", उहाँले लेख्नुभएको छ ।