कांग्रेसले देशव्यापीरुपमा कोरोनाका विरुद्ध जनचेतना अभियान शुरु गर्ने

राजनीति

गृहपृष्ठ
राजनीति
कांग्रेसले देशव्यापीरुपमा कोरोनाका विरुद्ध जनचेतना अभियान शुरु गर्ने

कांग्रेसले देशव्यापीरुपमा कोरोनाका विरुद्ध जनचेतना अभियान शुरु गर्ने

शुक्रबार, वैशाख १७, २०७८ बागेश्वरी पोस्ट

नेपालगन्ज । प्रमुख प्रतिपक्षी दल नेपाली कांग्रेसले कोरोना महामारीका विषयमा जनचेतना जगाउन देशव्यापीरुपमा कार्यकर्ता परिचालन गर्ने भएको छ ।कांग्रेस सभापति शेरबहादुर देउवाले लकडाउनका कारण आर्थिक तथा सामाजिक समस्या भोगिरहेकाहरुलाई समेत पार्टीले सहयोग गर्ने बताए ।

आफ्नै निवास बुढानिलकण्ठमा आयोजित पत्रकार सम्मेलनमा देउवाले कोरोनाका विषयमा पार्टीको चार बुँदे प्रतिवद्धता र सरकारसँग ११ बुुँदे माग राखेका थिए । कोरोना संक्रमितका लागि अत्यावश्यक अक्सिजन, भेन्टिलेटर लगायत आवश्यक स्वास्थ्य सामग्रीहरुको आपूर्ति सुनिश्चित गर्नुपर्ने उनको माग छ ।देशका सबै जिल्लाहरुमा कन्ट्याक्ट ट्रेसिङ र पीसीआर परिक्षणलाई व्यापक बनाउनुपर्ने, सिमा नाकाहरुमा अनिवार्य पिसीआर परिक्षणको व्यवस्था गर्नुपर्ने, स्वास्थ्यकर्मी, सुरक्षाकर्मी र सरसफाइकर्मीहरुलाई बिमान र जोखिम भत्ता तत्काल कार्यान्वयन गर्न पनि देउवाले माग राखेका छन् ।

सरकारले दुई दिन समय दिएर काठमाडौंबाट मानिसहरुलाई गाउँ जाने मौका दिएकोमा देउवाले आलोचना गरेका छन् । यसबाट कोरोना झ्न देशब्यापी बन्ने उनको चिन्ता छ ।

प्रकाशित मिति: शुक्रबार, वैशाख १७, २०७८ १६:४०

प्रतिक्रिया दिनुहोस्