१० मुलुककाे सीधा हवाई उडानमा रोक लगाउन सीसीएमसी सिफारिस

समाचार

गृहपृष्ठ
समाचार
१० मुलुककाे सीधा हवाई उडानमा रोक लगाउन सीसीएमसी सिफारिस

१० मुलुककाे सीधा हवाई उडानमा रोक लगाउन सीसीएमसी सिफारिस

शनिबार, वैशाख १८, २०७८ बागेश्वरी पोस्ट

नेपालगन्ज । मुलुकभित्र कोरोनाको संक्रमण भयावहरुपमा फैलिएको निष्कर्ष निकाल्दै कोभिड संकट व्यवस्थापन केन्द्र (सीसीएमसी)ले कोरोनाभाइरसबाट अति प्रभावित १० मुलुकबाट नेपालसँग हुने सीधा अन्तराष्ट्रिय उडानमा रोक लगाउन मन्त्रिपरिषद्मा सिफारिस गरेको छ ।

पर्यटनमन्त्री भानुभक्त ढकालले कोरोना अतिप्रभावित मुलुकहरु भारत, अमेरिका, बेलायत लगायतका दस मुलुकबाट हुने उद्गम स्थलको उडानलाई रोक लगाउन सिफारिस गरिएको बताए। उनका अनुसार ट्रान्जिट हुँदै आउने विमानमा भने यो नियम लागु हुनेछैन ।

सीसीएमसीको शुक्रबार बेलुका बसेको बैठकले कोरोनाको संक्रमण भयावहरुपमा फैलिएको निष्कर्ष निकाल्दै आन्तरिक उडान पनि बन्द गरौं भन्ने प्रस्ताव भएको मन्त्री ढकालले बताए ।

सीसीएमसीले गरेका सिफारिस मन्त्रिपरिषद्को आगामी बैठकले पारित गर्ने र त्यसपछि कार्यान्वयनमा जाने बताइएको छ ।

भाइरसबाट अति प्रभावित भारतबाट हुने उडानमा रोक लगाउनुपर्ने सुझाव विज्ञहरुमा दिँदै आएका थिए। बैठकले भारतसँगका २२ नाका बन्द गर्न पनि मन्त्रिपरिषद्मा सिफारिस गरेको छ ।

प्रकाशित मिति: शनिबार, वैशाख १८, २०७८ १९:२३

प्रतिक्रिया दिनुहोस्