मुख्यमन्त्रीको उम्मेद्वार पुनः शंकर पोखरेललाई नै बनाउने निर्णय

राजनीति

गृहपृष्ठ
राजनीति
मुख्यमन्त्रीको उम्मेद्वार पुनः शंकर पोखरेललाई नै बनाउने निर्णय

मुख्यमन्त्रीको उम्मेद्वार पुनः शंकर पोखरेललाई नै बनाउने निर्णय

पोखरेलको चलाखीः अव विश्वासको मत लिनु नपर्ने

आइतबार, वैशाख १९, २०७८ बागेश्वरी पोस्ट

नेपालगन्ज । नेकपा एमाले लुम्बिनी प्रदेश संसदीय दलको बैठकले मुख्यमन्त्रीको उम्मेद्वार आजै मुख्यमन्त्रीबाट राजीनामा दिएका शंकर पोखरेललाई नै बनाउने निर्णय गरेको छ । दलका नेता पोखरेलको नेतृत्वमा एमालेको एकल बहुमतको सरकार बनाउने निर्णय भएको प्रदेश सभा सदस्य विष्णु पन्थीले बताए ।

पोखरेलको चलाखीः अव विश्वासको मत लिनु नपर्ने
अब पोखरेलले संसदमा विश्वासको मत लिनु नपर्ने भएको छ । प्रदेश प्रमुखले प्रदेश सभामा बहुमत प्राप्त संसदीय दलको नेतालाई मुख्यमन्त्री नियुक्त गर्ने र सोही अनुसार प्रदेश मन्त्रिपरिषद्को गठन हुने संविधानमा व्यवस्था छ ।

संसदमा ८१ सदस्य रहेको लुम्बिनी प्रदेशसभामा नेकपा एमाले एक्लैसँग ४१ जना सांसद रहेका छन् । सरकार निर्माणका लागि मुख्यमन्त्री पोखरेललाई ४१ जना सांसदको आवश्यकता पर्दछ । लुम्बिनी प्रदेश सभामा यसअघि ८७ जना सांसद थिए। पछिल्लो समय जसपाका चार र माओवादी केन्द्रका दुई जना सांसद निलम्बित भएपछि अहिले प्रदेश सभा ८१ सदस्यीय छ।

विपक्षी दल कांग्रेस १९, माओवादी केन्द्र सभामुखसहित १८, जनता समाजवादी पार्टी २ र राष्ट्रिय जनमोर्चासँग एक जना सांसद रहेका छन् । लुम्बिनीमा एमाले बाहेकका दलको सभामुखबाहेकको संख्या जोड्दा ३९ मात्रै पुग्छ ।

गत वैशाख ६ मा विपक्षी दलहरुले मुख्यमन्त्री पोखरेलविरुद्ध संसदमा अविश्वासको प्रस्ताव दर्ता गरेका थिए । माधव नेपाल समूहले पनि विपक्षीलाई सहयोग गर्ने बचन दिँदै आएका छन् । अविश्वासको प्रस्ताव पारित हुने देखेपछि मुख्यमन्त्री पोखरेलले राजीनामा दिएका हुन् ।

लुम्बिनी प्रदेश सभामा नेपाल पक्षका २ सांसद छन्।

प्रकाशित मिति: आइतबार, वैशाख १९, २०७८ १२:२३

प्रतिक्रिया दिनुहोस्