मुख्यमन्त्रीको राजीनामासंगै जसपाका नयाँ मन्त्रीहरु घर नघाट !

राजनीति

गृहपृष्ठ
राजनीति
मुख्यमन्त्रीको राजीनामासंगै जसपाका नयाँ मन्त्रीहरु घर नघाट !

मुख्यमन्त्रीको राजीनामासंगै जसपाका नयाँ मन्त्रीहरु घर नघाट !

आइतबार, वैशाख १९, २०७८ बागेश्वरी पोस्ट

नेपालगन्ज । बैशाख ६ गते अविश्वासको प्रस्तावमा हस्ताक्षर गरिसकेर पनि पार्टीको निर्णय विपरीत लुम्बिनी प्रदेश सरकारको मन्त्री जनता समाजवादी पार्टी (जसपा) का ४ जना सांसदहरु मुख्यमन्त्री शंकर पोखरेलले आइतबार अकस्मात राजीनामा दिएपछि अन्योलमा परेका छन् । पार्टीले कारवाही गरेपछि उनीहरुको सांसद पद जानुका साथै अब मन्त्री पद पनि गुमेको छ ।

पार्टीको निर्णयविपरीत जसपाका चार जना सांसद सन्तोषकुमार पाण्डे, विजयबहादुर यादव, सुमन शर्मा रायमाझी र कल्पना पाण्डे लम्सालले मुख्यमन्त्री शंकर पोखरेललाई समर्थन जनाएका थिए । समर्थन जनाउँदै उनीहरु मन्त्रिमण्डलमा समेत सहभागी बनेका थिए । पार्टीले कारवाही गरेपछि उनीहरुको सांसद पद गएपछी उनीहरुलाई पुनः सपथ गराउने कुरा चलिरहेका बेला मुख्यमन्त्री पोखरेलले नै राजीनामा दिएका छन् ।

आजै नेकपा एमाले लुम्बिनी प्रदेश संसदीय दलको बैठकले मुख्यमन्त्रीको उम्मेद्वार पुनः शंकर पोखरेललाई नै बनाउने र दलका नेता पोखरेलको नेतृत्वमा एमालेको एकल बहुमतको सरकार बनाउने निर्णय गरेको छ ।

पोखरेलले प्रदेश प्रमुख धर्मनाथप्रसाद यादवलाई बुझाएको राजीनामा पत्रमा संविधानको धारा १६८ (१) अन्तर्गत नयाँ सरकार बनाउन मार्गप्रशस्त गर्न राजीनामा दिएको उल्लेख गरेका छन्।

संविधानको उक्त धारामा प्रदेश प्रमुखले प्रदेश सभामा बहुमत प्राप्त संसदीय दलको नेतालाई मुख्यमन्त्री नियुक्त गर्नेछ र निजको अध्यक्षतामा प्रदेश मन्त्रिपरिषदको गठन हुनेछु भन्ने उल्लेख छ।

प्रकाशित मिति: आइतबार, वैशाख १९, २०७८ १२:५३

प्रतिक्रिया दिनुहोस्