प्रदेश प्रमुख यादवलाई बर्खास्त गर्न चार दलको माग

राजनीति

गृहपृष्ठ
राजनीति
प्रदेश प्रमुख यादवलाई बर्खास्त गर्न चार दलको माग

प्रदेश प्रमुख यादवलाई बर्खास्त गर्न चार दलको माग

मुख्यमन्त्री पोखरेल सहभागी कार्यक्रम बहिष्कार गर्ने

सोमबार, वैशाख २०, २०७८ बागेश्वरी पोस्ट

नेपालगन्ज । लुम्बिनी प्रदेशमा विपक्षी गठबन्धनले शंकर पोखरेल नेतृत्वको सरकारलाई बहिस्कार गर्ने निर्णय गरेका छन् ।

नेपाली काँग्रेस, नेकपा (माओवादी केन्द्र), जनता समाजवादी पार्टी(जसपा) र राष्ट्रिय जनमोर्चा(राजमो)को गठबन्धनले अल्पमतमा परेका शंकर पोखरेललाई मुख्यमन्त्री नियुक्त गरिएकोप्रति असन्तुष्टि जनाउँदै पोखरेल नेतृत्वको सरकारलाई बहिस्कार गर्ने निर्णय गरेका हुन् ।

गठबन्धनले बुटवलमा आज सोमबार पत्रकार सम्मेलन गर्दै अल्पमतमा परेका शंकर पोखरेललाइ मुख्यमन्त्री नियुक्ति गरेका प्रदेश प्रमुख धर्मानाथ यादवलाई बर्खास्त गर्न पनि माग गरेको छ । यदि यसो नगरिए प्रदेश प्रमुखलाई निति तथा कार्यकम पढ्न प्रदेशसभा भित्रै रोक लगाउने, लुम्बिनी प्रदेश प्रहरी प्रमुख डिआईजी रबिन्द्र धानुकलाई कड़ा भन्दा कड़ा विभागीय कारबाही गर्न लगाउने माग गरेको छ।

बैशाख २७ गतेको संघीय संसदमा काँग्रेस, माओवादी, जसपा, र जनमोर्चाले लुम्बिनी प्रदेशको निकास नभएसम्म संघीय संसद अबरुद्ध गर्न माग गर्ने निर्णय भएको सांसद शंकर गिरिले जानकारी दिए ।

पत्रकार सम्मेलनमा बोल्दै नेकपा माओवादी केन्द्रका संसदीय दलका नेता कुलप्रसाद केसीले अल्पमतमा रहेका मुख्यमन्त्रीलाई स्वीकार गर्न नसकिने बताए । उनले अविश्वासको प्रस्तावलाई टुङ्गोमा पु¥याउन बिशेष अधिवेशनको माग गरे ।

प्रकाशित मिति: सोमबार, वैशाख २०, २०७८ २०:१२

प्रतिक्रिया दिनुहोस्