संवैधानिक परिषद्को बैठकमा भाग लिन्नौं: नेपाली कांग्रेस [विज्ञप्तिसहित]

राजनीति

गृहपृष्ठ
राजनीति
संवैधानिक परिषद्को बैठकमा भाग लिन्नौं: नेपाली कांग्रेस [विज्ञप्तिसहित]

संवैधानिक परिषद्को बैठकमा भाग लिन्नौं: नेपाली कांग्रेस [विज्ञप्तिसहित]

शनिबार, वैशाख २५, २०७८ बागेश्वरी पोस्ट

नेपालगन्ज । प्रधानमन्त्री केपी शर्मा ओलीले आइतबार (भोलि)का लागि बोलाएको संवैधानिक परिषद्को बैठकमा नेपाली कांग्रेसले भाग नलिने भएको छ ।

कांग्रेस सभापति शेरबहादुर देउवाले शनिबार (आज) प्रेस विज्ञप्ति जारी गर्दै बैठकमा भाग नलिने बताएका हुन् ।

विज्ञप्तिमा सरकारले ल्याएको संवैधानिक परिषद्सम्बन्धी अध्यादेश पार्टीगत मनसायबाट प्रेरित भएको भन्दै बैठकमा भाग नलिने उल्लेख गरिएको छ। विज्ञप्तिमा भनिएको छ, ‘नेपाली कांग्रेस संविधानको मूल मर्ममा प्रहार गरी संवैधानिक संरचनालाई नै भत्काउने गरी अध्यादेश जारी गरेको अवस्थामा संवैधानिक परिषद्को बैठकमा प्रमुख प्रतिपक्ष दलको नेताको हैसियतले भाग नलिने स्पष्ट गर्न चाहन्छ ।’

सरकारले ल्याएकाे अध्यादेश संविधानकाे विशिष्ठ व्यवस्था र मूल भावनाका विपरित रहेकाे विज्ञप्तिमा उल्लेख छ ।

गत मंगलबार राष्ट्रपति विद्यादेवी भण्डारीले संवैधानिक परिषद्‌ (काम कर्तव्‍य, अधिकार र कार्यविधि) सम्बन्धी (पहिलो संशोधन) अध्‍यादेश, २०७८ सहितका ७ वटा अध्यादेश जारी गरेकी थि्इन् ।