बैठकमा सहभागी नहुन प्रचण्डको अनुरोध

राजनीति

गृहपृष्ठ
राजनीति
बैठकमा सहभागी नहुन प्रचण्डको अनुरोध

बैठकमा सहभागी नहुन प्रचण्डको अनुरोध

शनिबार, वैशाख २५, २०७८ बागेश्वरी पोस्ट

काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले संवैधानिक परिषद्का सदस्यहरुलाई बैठकमा सहभागी नहुन अनुरोध गरेका छन् ।

अध्यक्ष प्रचण्डले शनिबार एक प्रेस वक्तव्य जारी गर्दै संवैधानिक संरचनाको गरिमा समाप्त पार्ने मनसायका साथै बैठक डाकिएको भन्दै बैठकमा सहभागी नहुन आग्रह गरेका हुन् ।

प्रचण्डद्वारा जारी प्रेस वक्तव्यमा भनिएको छ, “प्रमुख प्रतिपक्षका नेता तथा सभामुखसमेतले भाग नलिने निर्णय सार्वजनिक गरिसकेको स्थितिमा बैठक स्थगित गर्न सरकारसँग आग्रह गर्दै संवैधानिक संरचनाको गरिमा समाप्त पार्ने मनसायको त्यस्तो बैठकमा सहभागी नहुन संवैधानिक परिषद्का सबै सदस्यहरुसँग हाम्रो पार्टी हार्दिक अनुरोध गर्दछ।” उनले लोकतान्त्रिक अभ्यास छलेर सरकारले एकपटक पुनः संवैधानिक परिषद्को बैठकमार्फत आफ्नो स्वेच्छाचारी चरित्र प्रदर्शन गरेको समेत प्रेस वक्तव्यमा उल्लेख छ ।

अध्यक्ष प्रचण्डले संविधानको मर्म र भावनाविपरीत संवैधानिक निकायहरुलाई निरंकुशताको मतियार बनाउने गलत मनसायसहित प्रधानमन्त्री केपी शर्मा ओलीको सरकारले अध्यादेशको दुरुपयोग गर्दै आएको आरोप लगाएका छन् ।

प्रधानमन्त्री केपी शर्मा ओलीले आइतबार बिहान ९ बजेका लागि संवैधानिक परिषद्को बैठक बोलाएका छन्। नेपाली कांग्रेसका सभापति शेर बहादुर देउवाले संवैधानिक परिषद्को बैठकमा सहभागी नहुने बताइसकेका छन् ।

प्रकाशित मिति: शनिबार, वैशाख २५, २०७८ १७:१३

प्रतिक्रिया दिनुहोस्