लुम्बिनी प्रदेशका मुख्यमन्त्री पोखरेलविरुद्ध फेरि अविश्वास प्रस्ताव दर्ता

राजनीति

गृहपृष्ठ
राजनीति
लुम्बिनी प्रदेशका मुख्यमन्त्री पोखरेलविरुद्ध फेरि अविश्वास प्रस्ताव दर्ता

लुम्बिनी प्रदेशका मुख्यमन्त्री पोखरेलविरुद्ध फेरि अविश्वास प्रस्ताव दर्ता

आइतबार, वैशाख २६, २०७८ बागेश्वरी पोस्ट

नेपालगन्ज । लुम्बिनी प्रदेशका मुख्यमन्त्री शंकर पोखरेलविरुद्ध विपक्षी गठबन्धनले दोस्रोपटक अविश्वास प्रस्ताव दर्ता गराएका छन् ।

आइतबार (आज) विपक्षी गठबन्धन नेपाली कांग्रेस, नेकपा माओवादी केन्द्र, जनता समाजवादी पार्टी र राष्ट्रिय जनमोर्चाका ४२ प्रदेशसभा सदस्यले हस्ताक्षरसहित प्रदेशसभामा अविश्वास प्रस्ताव दर्ता गराएका हुन् ।

कांग्रेस संसदीय दलका नेता वीरेन्द्र कनौडियाका अनुसार वैशाख ६ मा विपक्षी दलले संसद सचिवालयमा दर्ता गराएकाअविश्वासको प्रस्तावले सदनमा छलफल तथा मतदानमा प्रवेश नपाएको तथ्य देखाउँदै नयाँ प्रस्तावको दर्ता गरिएको हो। उनका अनुसार अविश्वास प्रस्तावसँगै नयाँ सरकार गठनका लागि कांग्रेसको प्रस्ताव र जसपाको समर्थनमा माओवादी केन्द्रका कुलप्रसाद केसीलाई मुख्यमन्त्रीमा प्रस्ताव गरिएको छ ।

यसअघि गत ६ वैशाखमा पनि मुख्यमन्त्री पोखरेलविरुद्ध अविश्वासको प्रस्ताव दर्ता भएको थियो। प्रस्तावमाथि छलफल गर्न १९ वैशाखमा प्रदशेसभाको विशेष अधिवेशन बोलाइएको थियो। अविश्वासको प्रस्तावमाथि छलफल हुनुअघि मुख्यमन्त्री पोखरेलले राजीनामा दिएका थिए। सोही दिन उनी विवादास्पद ढंगबाट पुनः मुख्यमन्त्रीमा नियुक्त भएका थिएं। प्रदेश प्रमुख यादवले विपक्षीको विरोधका बीच मुख्यमन्त्री नियुक्त मात्रै गरेनन्, मुख्यमन्त्री कार्यालयमै गएर शपथ समेत खुवाएका थिए ।

प्रकाशित मिति: आइतबार, वैशाख २६, २०७८ १२:३५

प्रतिक्रिया दिनुहोस्