सरकारलाई विश्वासको मत दिन सक्दैनौँ, तटस्थ बस्छौँ: जसपा

राजनीति

गृहपृष्ठ
राजनीति
सरकारलाई विश्वासको मत दिन सक्दैनौँ, तटस्थ बस्छौँ: जसपा

सरकारलाई विश्वासको मत दिन सक्दैनौँ, तटस्थ बस्छौँ: जसपा

आइतबार, वैशाख २६, २०७८ बागेश्वरी पोस्ट

काठमाडौँ । जनता समाजवादी पार्टी (जसपा)का अध्यक्ष महन्थ ठाकुरले प्रधानमन्त्री केपी शर्मा ओलीलाई विश्वासको मत नदिने बताएका छन् ।

आइतबार (आज) अध्यक्ष महन्थ ठाकुर र वरिष्ठ नेता राजेन्द्र महतोले प्रधानमन्त्री ओलीलाई बालुवाटारमा भेटी सरकारलाई विश्वासको मत दिन नसकिने जानकारी गराएका हुन् ।

ठाकुरले आफूहरुको माग सम्बोधन गर्ने पक्षमा सरकार नदेखिएको भन्दै विश्वासको मत नदिने बरु तटस्थ बस्ने निर्णय गरेको बताएका हुन्। बालुवाटार जानु अघि जसपाका वरिष्ठ नेता राजेन्द्र महतोसहित ठाकुर प्रमुख प्रतिपक्षी दल नेपाली कांग्रेसका सभापति शेरबहादुर देउवासँग भेटघाट गरेका थिए ।

सभापति देउवासँग भेटघाट गरेपछि उनीहरु सिधै बालुवाटार पुगेका ठाकुर र महतोले त्यसबारे प्रधानमन्त्रीलाई जानकारी दिएका हुन् ।

प्रधानमन्त्री ओलीेले सोमवार (भोलि) संसदबाट विश्वासको मत लिने निर्णय गरेका छन् । प्रमुख प्रतिपक्षी दल नेपाली कांग्रेस, माओवादी केन्द्र र जसपाले पनि साथ नदिने भएपछि ओलीले विश्वासको मत नपाउने निस्चित भएको छ । त्यसो एमालेको वरिष्ठ नेता माधवकुमार नेपाल पक्षले समेत सरकारलाई समर्थन नगर्ने बताएका छन् ।

प्रकाशित मिति: आइतबार, वैशाख २६, २०७८ १४:२४

प्रतिक्रिया दिनुहोस्