कोरोना संक्रमितका लागि पौष्टिक आहार सेवा शुरु

समाचार

गृहपृष्ठ
समाचार
कोरोना संक्रमितका लागि पौष्टिक आहार सेवा शुरु

कोरोना संक्रमितका लागि पौष्टिक आहार सेवा शुरु

आइतबार, वैशाख २६, २०७८ बागेश्वरी पोस्ट

नेेपालगन्ज । भेरी अस्पतालमा उपचारार्थ कोभिड विरामीलाई पौष्टिक आहार सेवा सुरू गरिएको छ ।

द्धन्द्ध पीडित तथा एकल महिला संजाल बाँकेले नेपाल मेडीकल एशोसीयशनसँगको सहकार्यमा आजबाट कोभिड संक्रमीतहरुका लागि अण्डा लगायतको दैनिक आहार व्यवस्था गरेको हो । हरेक विपत्तिको साथीः मानवअधिकारका लागि एकल महिला समूह, छहारी भन्ने मुल नारासहित नेपालगंज उपमहानगरपालिका उपप्रमुख उमा थापाको उपस्थितिमा उक्त सेवा सुरू गरिएको हो ।

हाल दुई सय ५० विरामीका लागि दैनिक दुई सय ५० वटा अण्डा उपलव्ध गराइने द्धन्द्ध पीडित तथा एकल महिला संजाल बाँके अध्यक्ष जयन्ती केसीले जानकारी दिनु भयो । उपप्रमुख थापामगरले द्धन्द्धपीडित महिलाहरुले संक्रमीत विरामीहरुका लागि गर्नु भएको पौष्टिक आहार सेवाले विरामीको आत्मबल बृद्धिसँगै अन्यलाई पनि मानवीय सेवा गर्नुपर्छ भन्ने सन्देश दिने विश्वास व्यक्त गर्नु भयो ।

मानवअधिकारका लागि एकल महिला समूह केन्द्रीय उपाध्यक्ष शोभा वीसीले अभियानका रुपमा यसलाई शुरुवात गरिएपनि सबैलाई यसमा हातेमालो गर्न पनि आहवान गर्नु भयो । आवश्यक्ताका आधारमा थप आहार उपलव्ध गराउन सकिने पनि जनाइएको छ ।

प्रकाशित मिति: आइतबार, वैशाख २६, २०७८ १७:०१

प्रतिक्रिया दिनुहोस्