विश्वासको मतको लागि आज मतदान

राजनीति

गृहपृष्ठ
राजनीति
विश्वासको मतको लागि आज मतदान

विश्वासको मतको लागि आज मतदान

सोमबार, वैशाख २७, २०७८ बागेश्वरी पोस्ट

काठमाडौं । प्रधानमन्त्री केपीशर्मा ओलीले आज प्रतिनिधिसभा सांसदमा विश्वासको मत लिँदैछन् । उनले आज दिउँसो १ बजे बस्ने प्रतिनिधि सभाको बैठकमा विश्वासको मत लिने भएका हुन् ।

ओलीले विश्वासको मत लिने निर्णयसहित एक साता अघि राष्ट्रपति विद्यादेवी भण्डारीलाई सांसद बैठक आह्वान गर्न सिफारिस गरेका थिए । सोही अनुसार भण्डारीले सांसद बैठक आह्वान गरेकी हुन् ।

दिउँसो १ बजेका लागि बोलाइएको बैठकमा ओलीसहित शिर्ष नेताहरुले सम्बोधन गर्नेछन् । त्यसपछि ओलीको विश्वासको मतमाथि मतदान सुरु हुनेछ । अहिलेसम्मको स्थिति हेर्दा ओलीले विश्वासको मत नपाउने देखिन्छ ।

माधव नेपाल समूहले पनि आज विहान १० बजेसम्मको समय दिएको छ । यस अवधिसम्म पार्टीलाई नमिलाए सांसद पदबाट सामूहिक राजिनामा दिने नेपाल पक्षले बताएको छ ।

यसैगरी, नेपाली कांग्रेस र नेकपा माओवादी केन्द्रले विश्वासको मत नदिने निर्णय गरिसकेका छन् । जनता समाजवादी पार्टी (जसपा)ले पनि ओलीलाई भोट नहाल्ने संंकेत गरिसकेको छ ।

प्रतिनिधि सभामा एमालेका १२१, कांग्रेसका ६३, माओवादीका ५० र जसपाका ३४ सांसद छन् । यस्तो अवस्थामा नेपाल पक्षले पनि राजिनामा दिएको अवस्थामा ओलीले विश्वासको मत पाउने सम्भावना थप कमजोर हुनेछ ।

प्रकाशित मिति: सोमबार, वैशाख २७, २०७८ ०९:३१

प्रतिक्रिया दिनुहोस्