आउनुस्, केही समस्या भए सँगै बसेर छलफल र समाधान गरौंः ओली

राजनीति

गृहपृष्ठ
राजनीति
आउनुस्, केही समस्या भए सँगै बसेर छलफल र समाधान गरौंः ओली

आउनुस्, केही समस्या भए सँगै बसेर छलफल र समाधान गरौंः ओली

सोमबार, वैशाख २७, २०७८ बागेश्वरी पोस्ट

काठमाडौं । नेकमा एमाले फुटको संघारमा रहेको बेला प्रधानमन्त्री केपी शर्मा ओलीले आज संसदमा विश्वासको मत लिँदैछन्। अन्तिम घडीमा आएर ओलीले प्रधानमन्त्रीको पक्षमा मतदान गर्न आग्रह गरेका छन् ।

वार्ता तथा छलफलको माध्यमबाट समस्याको समाधान गर्न सकिने भन्दै हतारोमा कुनै पनि निर्णय नगर्न उनले आग्रह गरेका छन् ।

सोमबार सामाजिक सञ्जाल ट्विटरमार्फत ओलीले यस्तो अवस्थामा आन्तरिक मतभेद वा असन्तुष्टि केही भए आपसी छलफलबाट समाधान गर्न सकिने बताएका हुन् ।

‘तसर्थ, हतारोमा कुनै पनि अनुचित निर्णयमा जान वाञ्छनीय नहुने कुरामा म सबै माननीयज्यूहरूको ध्यानाकर्षण गराउन चाहन्छु। आउनुस्, केही समस्या भए सँगै बसौं, छलफल गरौं र समाधान गरौं,’ उनले लेखेका छन् ।

नेता माधवकुमार नेपाल र झलनाथ खनाल पक्षको अल्टिमेटमको ओलीले कुनै जवाफ नदिएपछि सिंहदरबारमा नेपाल पक्षको बैठक बसेको छ। उक्त समूहका सांसदले राजीनामाको चेतावनी दिएका छन् ।

सामूहिक राजीनामा दिने भएपछि प्रधानमन्त्री ओलीले प्रधानमन्त्रीको पक्षमा मतदान गर्न ओलीले आग्रह गरेका हुन्। माधव–झनलाथ पक्षले ओलीलाई सच्चिन भन्दै सोमबार बिहान ९ बजेसम्मको सायसीमा दिएको थियो ।

यस्तो अवस्थामा आन्तरिक मतभेद वा असन्तुष्टि केही भए आपसी छलफलबाट समाधान गर्न सकिने नै छ। तसर्थ, हतारोमा कुनै पनि अनुचित निर्णयमा जान वाञ्छनीय नहुने कुरामा म सबै माननीयज्यूहरूको ध्यानाकर्षण गराउन चाहन्छु। आउनुस्, केही समस्या भए सँगै बसौं, छलफल गरौं र समाधान गरौं ।
— K P Sharma Oli (@kpsharmaoli) May 10, 2021

प्रकाशित मिति: सोमबार, वैशाख २७, २०७८ १२:०८

प्रतिक्रिया दिनुहोस्