ओलीको राजनीतिक दम्भ, कुशासन र भ्रष्टाचारकै कारण यस्तो अवस्था आयोः देउवा

राजनीति

गृहपृष्ठ
राजनीति
ओलीको राजनीतिक दम्भ, कुशासन र भ्रष्टाचारकै कारण यस्तो अवस्था आयोः देउवा

ओलीको राजनीतिक दम्भ, कुशासन र भ्रष्टाचारकै कारण यस्तो अवस्था आयोः देउवा

सोमबार, वैशाख २७, २०७८ बागेश्वरी पोस्ट

नेपालगन्ज । नेपाली कांग्रेसका सभापति शेरबहादुर देउवाले प्रधानमन्त्री केपी ओलीलाई चुनावमा गरेका बाचा र पछि पटक–पटक गरेका भाषण र एजेण्डा सम्झाएका छन् ।

सोमबार प्रतिनिधि सभाको विशेष अधिवेशनमा विश्वासको मत माग्ने प्रधानमन्त्री केपी शर्मा ओलीको प्रस्तावमाथि संसदमा भएको छलफलमा भाग लिँदै देउवाले चुनावमा गरेका बाचा र पछि पटक–पटक गरेका भाषण सम्झना गराएका हुन् ।

बैठकमा बोल्दै देउवाले भने, ‘म प्रधानमन्त्रीलाई सोध्न चाहन्छु, तपाईँले चुनावमा गरेका बाचा र पछि पटक पटक गरेका भाषण सम्झना छ, रेल, पानी जहाज, घरघरमा ग्यासको पाइप, कोही भोकै बस्नुपर्दैन कोही भोकले मर्दैनन्, सडक बालक हुनेछैनन्, कसैले रोजगारीका लागि बाहिर जानुपर्दैन भन्ने युक्ति कहाँ गए ?’

उनले ओलीलाई विश्वासको मत लिनुपर्ने अवस्था कसरी आयो भन्ने भन्दै प्रश्न समेत गरेका छन्। यो अवस्था ओलीले नै सिर्जना गरेको राजनीतिक दम्भ, कुशासन र भ्रष्टाचारकै कारण आएको उनको जिकिर छ ।

साथै, सभापति देउवाले कोरोना संक्रमणको भयावह अवस्था आउनुमा सरकार जिम्मेवार भएको बताएका छन्। उनले भने, ‘दुई साता अगाडि बढ्न थालेको अवस्थामा प्रधनमन्त्रीजी ठूलो तामझामका साथ तयार नै नभएको धरहरा उद्घाटन गर्न जानुभयो। यो गैर जिम्मेवारीको नमुना हो।’ कमिसनका कारण खोप आउन नसकेको दाबी गर्दै उनले सरकार नै भ्रष्टाचारमा संलग्न भएको बताए। देउवाले अघि भने, ‘जनताको जीवन रक्षा गर्ने औषधिमा भ्रष्टाचार गर्नु जनतताविरुद्धको अक्ष्यम्य अपराध भएको छ ।’

कोरोनाको पहिलो लहरमा स्वास्थ्य सामग्रीमा भ्रष्टाचार भएको र अहिले खोपमा नै भ्रष्टाचार भएको भन्दै उनले यो भन्दा निर्लज्जता के हुनसक्छ? देउवाले प्रश्न गरे ‘व्यापारिक घरानाहरुलाई पोस्न तपाईंले नेपाली जनताको जीवन दाउमा लगाउनुभएको इतिहासले बिर्सन्छ ?’

प्रकाशित मिति: सोमबार, वैशाख २७, २०७८ १६:०२

प्रतिक्रिया दिनुहोस्