ओलीलाई प्रचण्डको प्रश्नः फेरि सदनलाई विघटन गरेर मध्यावधिमा जान खोजेको त होइन?

राजनीति

गृहपृष्ठ
राजनीति
ओलीलाई प्रचण्डको प्रश्नः फेरि सदनलाई विघटन गरेर मध्यावधिमा जान खोजेको त होइन?

ओलीलाई प्रचण्डको प्रश्नः फेरि सदनलाई विघटन गरेर मध्यावधिमा जान खोजेको त होइन?

सोमबार, वैशाख २७, २०७८ बागेश्वरी पोस्ट

काठमाडौँ । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओलीलाई सदन र सांसदसँग विश्वासको मत माग्ने नैतिक अधिकार छ ? प्रश्न गरेका छन् ।

सोमबार प्रतिनिधि सभाको विशेष अधिवेशनमा विश्वासको मत माग्ने प्रधानमन्त्री केपी शर्मा ओलीको प्रस्तावमाथि संसदमा भएको छलफलमा भाग लिँदै अध्यक्ष ‘प्रचण्ड’ले’ प्रधानमन्त्रीजी, आफैंले विघटन गरेको यो सदनसँग, यी माननीयसँग विश्वासको मत माग्ने तपाईंलाई नैतिक अधिकार छ र?’’ भनेर प्रश्न गरेका हुन् ।

गत पुस ५ मा प्रतिनिधिसभा विघटन गरेको स्मरण गराउँदै प्रचण्डले ओलीलाई प्रश्न गरेका हुन्। उनले प्रधानमन्त्रीले विश्वासको मत माग्नुमा पनि कुनै षड्यन्त्र छ कि भन्ने आशंका समेत गरे। राष्ट्रपति विद्यादेवी भण्डारीले बोलाएको सर्वदलीय बैठकमा पनि प्रतिनिधिसभा फेरि विघटन गर्ने अभिव्यक्ति दिएको खुलासा गरे। प्रतिनिधिसभा विघटन गर्ने बुझेर माओवादीले समर्थन जारी राखेको दाहालको भनाइ थियो ।

प्रधानमन्त्रीले विश्वासको मत नगर्ने भन्दै प्रचण्डले अघि भने, ‘त्यसपछि संविधानको अर्को धारामा जान्छु र सदनलाई फेरि विघटन गर्न र मध्यावधिमा जान आउनु भएको त होइन ?’ यदि विश्वासको मत लिन चाहेको भए सर्वोच्चले एमाले र माओवादी अलग अलग हुने फैसला गरेपछि नै प्रधानमन्त्री संसदमा आउनुपर्ने उनले बताए। संविधानको धारा ७६(१) बाट (२) को प्रधानमन्त्री भएपछि प्रधानमन्त्री ओलीले त्यतिबेलै विश्वासको मत लिनुको साटो समर्थन किन फिर्ता नलिएको भनेर प्रश्न गरिरहेको प्रचण्डले बताए ।

प्रकाशित मिति: सोमबार, वैशाख २७, २०७८ १६:२८

प्रतिक्रिया दिनुहोस्