संक्रमितलाई अक्सिजन र अस्पताल सहज बनाउन सर्वोच्चको आदेश

समाचार

गृहपृष्ठ
समाचार
संक्रमितलाई अक्सिजन र अस्पताल सहज बनाउन सर्वोच्चको आदेश

संक्रमितलाई अक्सिजन र अस्पताल सहज बनाउन सर्वोच्चको आदेश

मंगलबार, वैशाख २८, २०७८ बागेश्वरी पोस्ट

काठमाडौँ । सर्वोच्च अदालतले कोरोना भाइरस संक्रमितको उपचारका लागि अक्सिजन आपूर्ति सहज बनाउन र साधनयुक्त अस्पताल सञ्चालनमा ल्याउन सरकारका नाममा अन्तरिम आदेश जारी गरेको छ ।

मंगलबार (आज) न्यायाधीश बमकुमार श्रेष्ठको एकल इजलासले अधिवक्ता शैलेन्द्रकुमार अम्बेडकरको रिटमाथि सुनुवाई गर्दै सो आदेश जारी गरेको हो ।

सर्वोच्चले सरकारका नाममा जारी गरेको अन्तरिम आदेशमा कोरोना संक्रमितको उपचारका लागि आवश्यक औषधि र अक्सिजनको आपूर्ति सहज बनाउन, थप साधनयुक्त अस्पताल सञ्चालनमा ल्याउन र बिरामीको चाप अनुसार अस्पतालमा जनशक्ति आपूर्ति गर्न भनेको छ ।

साथै, नगरिकको जीवनसँग प्रत्यक्ष सम्बन्ध र सरोकार राख्ने अक्सिजन, औषधी, अस्पताल र जनशक्ति व्यवस्थापनका लागि सरोकारवालाको प्रतिनिधित्व हुने गरी एउटा कार्यसमिति बनाउन समेत आदेश दिएको छ ।

प्रकाशित मिति: मंगलबार, वैशाख २८, २०७८ १६:२७

प्रतिक्रिया दिनुहोस्