ओली प्रधानमन्त्रीमा पुनः नियुक्त हुँदै

राजनीति

गृहपृष्ठ
राजनीति
ओली प्रधानमन्त्रीमा पुनः नियुक्त हुँदै

ओली प्रधानमन्त्रीमा पुनः नियुक्त हुँदै

बिहीबार, वैशाख ३०, २०७८ बागेश्वरी पोस्ट

नेपालगन्ज । केपी शर्मा ओली नेपालको प्रधानमन्त्रीमा पुनः नियुक्ती हुने भएका छन् । उनलाई संसदको सबैभन्दा ठूला दलको हैसियतले राष्ट्रपति विद्यादेवी भण्डारीले पुनः नियुक्त गर्न लागेकी हुन् ।

उनलाई राष्ट्रपति भण्डारीले भण्डारीले संविधानको धारा ७६ को उपधारा (३) बमोजिम नियुक्त गर्नेछिन् । प्रधानमन्त्रीमा नियुक्त भएका अ‍ोलीको भोली नै शपथ ग्रहण हुने स्रोतले जानकारी दियो ।

गत सोमबार प्रतिनिधिसभाबाट विश्वासको मत गुमाएका प्रधानमन्त्री ओली स्वतः पदमुक्त भएका थिए । राष्ट्रपति भण्डारीले संविधानको धारा ७६ को उपधारा (२) बमोजिम नयाँ सरकार गठनका लागि बहुमत जुटाउन तिन दिनको समय दिएकी थिइन् ।

तिन दिनको समयमा विपक्षी दलहरुले बहुमत जुटाउन नसक्दा केपी ओली नै संसदमा सबैभन्दा ठूलो दलको नेताका हैसियतले पुनः प्रधानमन्त्रीमा नियुक्त हुने भएका हुन् ।

प्रकाशित मिति: बिहीबार, वैशाख ३०, २०७८ २०:५२

प्रतिक्रिया दिनुहोस्