सांसद नरहेका व्यक्तिलाई मन्त्री बनाइएको विरुद्ध परेका रिटको सुनुवाइ जबराको इजालसमा

राजनीति

गृहपृष्ठ
राजनीति
सांसद नरहेका व्यक्तिलाई मन्त्री बनाइएको विरुद्ध परेका रिटको सुनुवाइ जबराको इजालसमा

सांसद नरहेका व्यक्तिलाई मन्त्री बनाइएको विरुद्ध परेका रिटको सुनुवाइ जबराको इजालसमा

बिहीबार, जेठ ६, २०७८ बागेश्वरी पोस्ट

नेपालगन्ज । संसद् सदस्य नरहेका व्यक्तिलाई मन्त्री बनाएको भन्दै सर्वोच्च अदालतमा परेका रिटमाथि आज प्रधानन्यायाधीश चोलेन्द्र शमसेर जबराको इजलासमा सुनुवाई हुँदैछ ।

अधिवक्ता कपिलदेव ढकाल र विराज थापाले दायर गरेका दुवै रिटको पेशी प्रधानन्यायाधीश राणाको एकल एजलासमा तोकिएको छ । संविधानको धारा ७८ बमोजिम नियुक्त भएका ७ मन्त्रीको नियुक्ति गैर संवैधानिक भएको दावी रिट निवेदकले गरेका छन् ।

यसअघि पनि यही विषयमा वरिष्ठ अधिवक्ता चन्द्रकान्त ज्ञवालीले दर्ता गरेको निवेदनलाई प्रधान न्यायाधीश जबराले आफ्नै इजलासमा राखी अन्तरिम आदेश दिन अस्वीकार गरेका थिए ।

संविधान बमोजिम धारा ७८ अनुसार संघीय संसदको सदस्य नभएको व्यक्ति बढीमा ६ महिना मन्त्री हुन पाउने व्यवस्था छ ।

हालका गृहमन्त्री रामवहादुर थापा,उर्जामन्त्री टोपवहादुर रायमाझी, उद्योगमन्त्री लेखराज भट्ट,शहरी विकास मन्त्री प्रभु साह, खानेपानी मन्त्री मणी थापा,श्रममन्त्री गौरीशंकर चौधरी र युवा तथा खेलकुद मन्त्री दावा लामा दुवै सदनको सदस्य छैनन् ।

प्रकाशित मिति: बिहीबार, जेठ ६, २०७८ १२:१८

प्रतिक्रिया दिनुहोस्