राष्ट्रपतिविरुद्ध महाअभियोग प्रस्ताव अगाडि बढाउन कांग्रेस तयार

राजनीति

गृहपृष्ठ
राजनीति
राष्ट्रपतिविरुद्ध महाअभियोग प्रस्ताव अगाडि बढाउन कांग्रेस तयार

राष्ट्रपतिविरुद्ध महाअभियोग प्रस्ताव अगाडि बढाउन कांग्रेस तयार

शुक्रबार, जेठ ७, २०७८ बागेश्वरी पोस्ट

नेपालगन्ज । प्रमुख प्रतिपक्षी दल नेपाली कांग्रेस राष्ट्रपति विद्यादेवी भण्डारीविरुद्ध महाअभियोग लगाउन प्रमुख विपक्षी नेपाली कांग्रेसले छलफल अगाडि बढाउने भएको छ ।

शुक्रबार बिहान सभापति शेरबहादुर देउवा निवास बूढानीलकण्ठमा बसेको पदाधिकारी बैठकमा महाअभियोग प्रस्तावबारे छलफल भएको हो । पार्टीका वरिष्ठ नेता रामचन्द्र पौडेलका अनुसार कांग्रेस महाभियोग प्रस्ताव अगाडि बढाउन तयार भएको छ ।

बैठकले राष्ट्रपति र प्रधानमन्त्रीले संविधानको भावना र मर्मविपरित काम गरेको भन्दै आज साँझ ५ बजेअघिनै सबै विकल्प प्रयोग गरेर यो प्रवृतिलाई परास्त गर्ने निर्णय लिएको उनले बताए ।

सहमहामन्त्री डा. प्रकाशशरण महतले बैठकले ५ बजे अघि नै केही न केही उपाय निकाल्ने र त्यसका लायि अन्य दलहरुसँग छलफल गर्ने निर्णय भएको जानकारी दिए ।

बैठकले संसदमा विश्वासका मत नलिने भए प्रधानमन्त्रीले राजीनामा दिनुपर्ने निष्कर्ष पनि निकालेको छ । प्रधानमन्त्रीले राजीनामा नदिई संविधानको धारा ७६९५० अनुसार नयाँ सरकार गठनका लागि आह्वान गर्नु पनि संविधानको मर्म र भावना विपरीत भएको कांग्रेस बैठकको ठहर छ ।

संविधानको मर्म र भावनालाई कुल्चने प्रवृत्तिलाई रोक्न सबै दलसँग छलफल गर्ने कांग्रेसले बताएको छ । बैठकपछि सहमहामन्त्री डा। प्रकाशशरण महतले भने, ‘यो प्रवत्तिलाई रोक्न सबै विकल्पमा छलफल गरेर एउटा निष्कर्षमा पुग्छौं ।’

प्रकाशित मिति: शुक्रबार, जेठ ७, २०७८ १२:२०

प्रतिक्रिया दिनुहोस्