‘महामारी पनि यस्तो गर्न सक्ने यो अधर्मी जोडी यत्तिमै रोकिनेवाला छैनन्’

राजनीति

गृहपृष्ठ
राजनीति
‘महामारी पनि यस्तो गर्न सक्ने यो अधर्मी जोडी यत्तिमै रोकिनेवाला छैनन्’

‘महामारी पनि यस्तो गर्न सक्ने यो अधर्मी जोडी यत्तिमै रोकिनेवाला छैनन्’

शनिबार, जेठ ८, २०७८ बागेश्वरी पोस्ट

नेपालगन्ज । नेपाली कांग्रेसका नेता गगन थापाले प्रधानमन्त्री केपी शर्मा ओली र राष्ट्रपति विद्यादेवी भण्डारीलाई अधर्मी जोडीको संज्ञा दिएका छन् । नेता थापाले यो अधर्मी जोडीले मुलुकलाई अँध्यारो सुरुङमा हालेको आरोप लगाउँदै यिनीहरु यत्तिमै नरोकिने सचेत गराएका छन् ।

राष्ट्रपति विद्यादेवी भण्डारीले मन्त्रिपरिषद्को सिफारिसमा शुक्रबार राति १ बजेर ४९ मिनेटमा प्रतिनिधिसभा विघटन गर्दै आउँदो कात्तिक २६ र मंसिर ३ गते प्रतिनिधिसभाको निर्वाचन गर्ने गरी मिति तोकेपछि थापाको यस्तो आक्रोशपूर्ण अभिव्यक्ति आएको हो । उनले यो जोडीको ‘निर्लज्ज कामको सम्पूर्ण शक्तिका साथ प्रतिरोध गर्न’ सार्वजनिक आह्वान गरेका छन् ।

‘अधर्मी जोडी’लाई संविधान र संसद् कहिल्यै मन नपरेको भन्दै उनले शनिबार बिहान सामाजिक सञ्जालमा आक्रोशपूर्ण टिप्पणी गरेका छन् । ‘खड्ग ओली र विद्या भण्डारीलाई न संविधान मन परेको थियो,न संसद् ! विघटन, पुनस्स्थापित संसद्को अपमान, विश्वासको मतको नाटक, ७६(३)को सरकार गठन, विश्वास लिनुको सट्टा ७६(५)को आव्हान,अनुकूल नभएपछि फेरि विघटन,’ उनले लेखेका छन्, ‘कस्तो सेटिङ १ प्रक्रिया त देखाउन मात्र थियो, यिनको मिसन त संसद् र संविधानको हुर्मत लिनु थियो । लिए !’

उनले अगाडि लेखेका छन्, ‘सन्की प्रधानमन्त्री र मतियार राष्ट्रपतिले मुलुक अँध्यारो सुरुङमा हालेका छन्। महामारीमा त यस्तो अधर्म गर्न सक्ने देशघाती जोडी यहिं र यत्तिमै रोकिनेवाला छैनन् नेतागण ! नअलमलिउँ, खुट्टा नकमाऔं, सचेत नागरिकको साथ लिएर राष्ट्रपति र प्रमको निर्लज्ज कामको सम्पूर्ण शक्तिका साथ प्रतिरोध गरौं।’

प्रकाशित मिति: शनिबार, जेठ ८, २०७८ १०:०८

प्रतिक्रिया दिनुहोस्