कांग्रेसले संसद् विघटनको कदमका विरुद्ध कानुनी र राजनीतिक प्रतिरोध गर्ने

राजनीति

गृहपृष्ठ
राजनीति
कांग्रेसले संसद् विघटनको कदमका विरुद्ध कानुनी र राजनीतिक प्रतिरोध गर्ने

कांग्रेसले संसद् विघटनको कदमका विरुद्ध कानुनी र राजनीतिक प्रतिरोध गर्ने

शनिबार, जेठ ८, २०७८ बागेश्वरी पोस्ट

नेपालगन्ज । नेपाली कांग्रेसले संसद् विघटनको कदमका विरुद्ध कानुनी र राजनीतिक दुवैरुपमा प्रतिरोध गर्ने निर्णय गरेको छ । सभापति शेरबहादुर देउवा निवास बुढानीलकण्ठमा शनिवार बिहान बसेको शीर्ष नेताहरुको बैठकले कानुनी र राजनीतिक लडाई लड्ने निर्णय गरेको हो ।

प्रधानमन्त्री र राष्ट्रपतिको कदमका विरुद्ध विपक्षी गठबन्धनमा रहेका सबै दल र नेताहरुले संयुक्त रुपमा कानुनी र राजनीतिक लडाई लड्ने निर्णय भएको बैठकपछि बोल्दै वरिष्ठ नेता रामचन्द्र पौडेलले बताए ।

बानेश्वरस्थित संघीय संसद भवनमा विपक्षी गठबन्धनको बैठक बसेर कसरी यो कदमको प्रतिरोध गर्ने भन्नेबारे थप कार्यक्रमहरु स्पष्ट पारिने बताइएको छ ।

विपक्षी गठबन्धनका तर्फबाट शेरबहादुर देउवालाई प्रधानमन्त्री बनाउन हस्ताक्षर गर्ने कांग्रेस, नेकपा माओवादी केन्द्र, जसपा र नेकपा एमालेका १४९ सांसदहरुलाई बानेश्वरस्थित संघीय संसद भवनमा बोलाइएको छ ।

राष्ट्रपति विद्यादेवी भण्डारीको आह्वान बमोजिम संविधानको धारा ७६(५) अनुसारको प्रधानमन्त्रीका लागि विपक्षी गठबन्धनका १४९ सांसदको हस्ताक्षरसहित कांग्रेस सभापति देउवाले शुक्रबार राष्ट्रपति समक्ष दाबी पेश गरेका थिए ।

प्रकाशित मिति: शनिबार, जेठ ८, २०७८ ११:३६

प्रतिक्रिया दिनुहोस्