संसद विघटनविरुद्ध १४६ सांसद सर्वोच्चमा, देउवालाई प्रधानमन्‍त्री नियुक्त गर्न माग

राजनीति

गृहपृष्ठ
राजनीति
संसद विघटनविरुद्ध १४६ सांसद सर्वोच्चमा, देउवालाई प्रधानमन्‍त्री नियुक्त गर्न माग

संसद विघटनविरुद्ध १४६ सांसद सर्वोच्चमा, देउवालाई प्रधानमन्‍त्री नियुक्त गर्न माग

सोमबार, जेठ १०, २०७८ बागेश्वरी पोस्ट

काठमाडौं, १० जेठ । विपक्षी गठबन्धनका शीर्ष नेताहरु सर्वोच्च अदालत परिसरबाट बाहिरिएका छन् । गठबन्धनका १४६ जना सांसदहरुले संसद पुनर्स्थापना गर्न र नेपाली कांग्रेसका सभापति शेरबहादुर देउवालाई प्रधानमन्त्री नियुक्त गर्न माग गर्दै रिट दर्ता गरेपछि सर्वोच्च अदालतबाट बाहिरिएका हुन् ।

कांग्रेस नेता रमेश लेखकका अनुसार संसदमा रहेका ५४ प्रतिशत सांसदहरुको हस्ताक्षर रहेको रिटमा तीन मागहरु रहेका छन् । लेखकका अनुसार संसद विघटन गर्न सिफारिस गर्ने मन्त्रिपरिषदको निर्णय खारेज गर्न, संसद अधिवेशनको मिति तोक्न र संविधानको धारा ७६ (५) अनुसार शेरबहादुर देउवालाई प्रधानमन्त्री नियुक्त गर्न परमादेश माग गरिएको छ ।

शुक्रबार मध्यरातमा सरकारको सिफारिसमा राष्ट्रपति विद्यादेवी भण्डारीले संसद विघटन गरेर कात्तिक २६ र मंसिर ३ गते मध्यावधि निर्वाचन घोषणा गरेकी थिइन् । त्यसलाई असंवैधानिक भनेको विपक्षी गठबन्धनले धारा ७६ (५) अनुसारको प्रधानमन्त्रीमा देउवाको दावी वैधानिक रहेको भन्दै दाबीमा समर्थन गरेका सांसदको हस्ताक्षरसहित रिट दायर गरेका हुन् ।

प्रकाशित मिति: सोमबार, जेठ १०, २०७८ १५:०५

प्रतिक्रिया दिनुहोस्