एमाले बैठक : वरिष्ठ नेता नेपाल, खनालसहित ११ जना पार्टी सदस्यबाटै निष्काशन

राजनीति

गृहपृष्ठ
राजनीति
एमाले बैठक : वरिष्ठ नेता नेपाल, खनालसहित ११ जना पार्टी सदस्यबाटै निष्काशन

एमाले बैठक : वरिष्ठ नेता नेपाल, खनालसहित ११ जना पार्टी सदस्यबाटै निष्काशन

सोमबार, जेठ १०, २०७८ बागेश्वरी पोस्ट

नेपालगन्ज । नेकपा एमालेले वरिष्ठ नेता माधव नेपाल, खनालसहित ११ जनालाई पार्टीबाट निष्काशन गरेको छ ।

सोमबार बसेको एमाले स्थायी कमिटीको बैठकले नेता नेपाल, झलनाथ खनालसहित ११ जनालाई पार्टीबाट साधारण सदस्यसमेत नरहने गरी निष्काशन गरेको हो ।

उनीहरुलाई काँग्रेस नेता शेरबहादुर देउवालाई प्रधानमन्त्री बनाउन र संसद पुनर्स्थापना हस्ताक्षर गरेर पार्टी गतिविधि विरुद्ध लागेको आरोप लगाइएको छ ।

यसअघि शनिबार बसेको स्थायी कमिटी बैठकले देउवालाई प्रधानमन्त्री बनाउन प्रस्तावका लागि हस्ताक्षर गर्ने २६ सांसदमध्ये ११ सांसदलाई स्पष्टीकरण माग गर्ने निर्णय गरेको थियो ।

निष्काशित हुनेहरुमा नेता नेपाल, खनाल, भीम रावल, मुकुन्द न्यौपाने, रामकुमारी झाँक्री, कल्याणी खड्का, सरला यादव, पुष्पा कर्ण, लक्ष्मी चौधरी, कलिला खातुन र निरा देवी जैरु रहेका छन् ।

कारबाहीमा परेका खनाल ३० वर्षको उमेरमा पार्टीको महासचिव बनेर नेतृत्व गरेका थिए भने माधव नेपालले १५ वर्ष पार्टीको शक्तिशाली महासचिव भएर पार्टीको नेतृत्व गरेका थिए ।

प्रकाशित मिति: सोमबार, जेठ १०, २०७८ १९:२८

प्रतिक्रिया दिनुहोस्