३२ औ विश्व एड्स दिवसमा न्यानो पोशाक र शैक्षिक सामाग्री वितरण

समाचार

गृहपृष्ठ
समाचार
३२ औ विश्व एड्स दिवसमा न्यानो पोशाक र शैक्षिक सामाग्री वितरण

३२ औ विश्व एड्स दिवसमा न्यानो पोशाक र शैक्षिक सामाग्री वितरण

सोमबार, मंसिर १६, २०७६ बागेश्वरी पोस्ट

नेपालगन्ज । आज ३२ औ विश्व एड्स दिवस बाँकेमा पनि विभिन्न कार्यक्रम गरि मनाइएको छ । दिवसको अवसरमा बाँकेमा एचआईभी संक्रमित २० जना बालबालिकाहरुलाई न्यानो पोशाक (ज्याकेट) र शैक्षिक सामाग्री वितरण गरिएको छ ।

नेपाल सि आर एस कम्पनी बाँकेको सहयोग जिल्ला स्वास्थ्य कार्यालय बाँकेको आयोजना र जुनकिरी महिला समुहको समन्वयमा उक्त पोशाक वितरण गरिएको छ । चिसोको मौसममा बालबालिकाहरुलाई विद्यालय जान सहजताका लागि पोशाक र अन्य शैक्षिक सामाग्री वितरण गरिएको स्वास्थ्य कार्यालयका निमित्त प्रमुख अंगद शाहीले जानकारी दिनुभयो । उहाका अनुसार आज विहान नेपालगन्जमा बृहत रयाली निकालिएको छ । नेपालगन्ज उपमहानगरपालिकाबाट शुरु भएको रयालीले नगरको परिक्रमा गरि धम्बोझी चोकमा पुगेर कोष सभामा परिणत भएको थियो ।

सभामा किशोरी सञ्जालद्धारा चेतनामुलक सडक नाटक र एचआइभी एड्सका क्षेत्रमा विशेष योगदान पुरयाउनु हुने भेरी अस्पतालका फिजिसियन डा. संकेत रिसाल, संक्रमित महिला जयकला सुनारलाई सम्मान गरिएको थियो ।

विभिन्न संघसंस्थाहरुको सहकार्यमा स्वास्थ्य कार्यालयले कार्यक्रमको संयोजन गरेको थियो ।

प्रकाशित मिति: सोमबार, मंसिर १६, २०७६ ०९:००