संसद विघटन सम्बन्धी मुद्दामा आज पनि सुनुवाइ

राजनीति

गृहपृष्ठ
राजनीति
संसद विघटन सम्बन्धी मुद्दामा आज पनि सुनुवाइ

संसद विघटन सम्बन्धी मुद्दामा आज पनि सुनुवाइ

आइतबार, जेठ १६, २०७८ बागेश्वरी पोस्ट

नेपालगन्ज । प्रतिनिधिसभा विघटनको विषयलाई लिएर परेका रिटमाथि आजपनि सर्वोच्च अदालतको संवैधानिक इजलासमा सुनुवाइ हुँदैछ । सर्वोच्चमा संसद विघटनसँग सम्बन्धित ३० वटा मुद्दा रहेका छन् ।

गएको शुक्रबार पहिलो सुनुवाइ भएका मुद्दाहरूमा बहस नसकिएपछि आज पनि सुनुवाइ हुन लागेको हो । सर्वोच्चमा परेका सबै रिटमाथि संवैधानिक इजलासमा सुनुवाइ भइरहेको छ ।

कांग्रेस सभापति शेरबहादुर देउवाले आफूले बहुमत सांसदको हस्ताक्षर बुझाउँदा पनि राष्ट्रपति विद्यादेवी भण्डारीले संविधानको धारा ७६ को उपधारा ५ अनुसार प्रधानमन्त्री नियुक्त नगरेको भन्दै १४६ जना सांसदको हस्ताक्षरसहित सर्वोच्चमा रिट हालेका थिए ।

प्रतिपक्षको सहित संसद विघटनलाई आधार बनाएर अदालतमा ३० वटा रिट परेका हुन् । ती सबै रिटलाई संवैधानिक इजलासले टुङ्गो लगाउने छ ।

प्रकाशित मिति: आइतबार, जेठ १६, २०७८ ०९:५४

प्रतिक्रिया दिनुहोस्