सरकारी निकायलाई विपक्षीको आग्रह–अलोकतान्त्रिक र असंवैधानिक काममा संलग्न नहुनू

राजनीति

गृहपृष्ठ
राजनीति
सरकारी निकायलाई विपक्षीको आग्रह–अलोकतान्त्रिक र असंवैधानिक काममा संलग्न नहुनू

सरकारी निकायलाई विपक्षीको आग्रह–अलोकतान्त्रिक र असंवैधानिक काममा संलग्न नहुनू

आइतबार, जेठ १६, २०७८ बागेश्वरी पोस्ट

नेपालगन्ज । सरकारले गरेको अलोकतान्त्रिक र असंवैधानिक काममा संलग्न नहुन राज्यका सबै अंग र निकायहरुलाई विपक्षी गठबन्धनले आग्रह गरेका छ ।

आइतबार बिहान कांग्रेस सभापति शेरबहादुर देउवाको निवास बुढानीलकण्ठमा बसेको गठबन्धनको बैठकले राज्यका सबै अंग र निकायहरुलाई त्यस्तो आग्रह गरेको हो ।

बैठकले देश कोरोना महामारीबाट आक्रान्त भइरहेको कठिन परिस्थितिको दुरुपयोग गरी प्रधानमन्त्री केपी शर्मा ओलीले संविधानको अवहेलना र उल्लंघन गर्ने काम गर्दै आएको निष्कर्श समेत निकालेको छ ।

बैठकपछि जारी संयुक्त विज्ञप्तिमा लेखिएको छ, ‘सरकारका संविधान विपरीतका र अलोकतान्त्रिक कामकारबाहीमा सहयोगी नहुन राज्यका सबै अंग र निकायहरुलाई पनि आग्रह गर्दछौं।’ उनीहरुलेअलोकतान्त्रिक र असंवैधानिक काम नगर्न सरकारलाई चेतावनीसमेत दिएका छन् ।

संयुक्त विज्ञप्तिमा नेपाली कांग्रेसका सभापति शेरबहादुर देउवा, माओवादी केन्द्रका अध्यक्ष प्रचण्ड, एमाले नेता माधव कुमार नेपाल, जसपा अध्यक्ष उपेन्द्र यादव र राष्ट्रिय जनमोर्चाकी उपाध्यक्ष दुर्गा पौडेलले हस्ताक्षर गरेका छन् ।