नेपालको ढुङ्गा, गिट्टी, बालुवा निकासी नीतिगत भ्रष्टाचार हो, प्रतिरोध गरौँ : गगन थापा

राजनीति

गृहपृष्ठ
राजनीति
नेपालको ढुङ्गा, गिट्टी, बालुवा निकासी नीतिगत भ्रष्टाचार हो, प्रतिरोध गरौँ : गगन थापा

नेपालको ढुङ्गा, गिट्टी, बालुवा निकासी नीतिगत भ्रष्टाचार हो, प्रतिरोध गरौँ : गगन थापा

बुधबार, जेठ १९, २०७८ बागेश्वरी पोस्ट

नेपालगन्ज । नेपाली काँग्रेसका नेता गगन थापाले बजेटमा 'नेपालको ढुङ्गा,गिट्टी,बालुवा निकासी गरेर व्यापार घाटा न्यूनीकरण गर्ने' कार्यक्रम घुसाएर नीतिगत भ्रष्टाचार गरिएको आरोप लगाएका छन् ।

बुधबार विहान थापाले ट्वीटरमा, "संसद नभएको बेला असंवैधानिक सरकारले अवैधानिक तवरले जस्केलाबाट ल्याएको बजेटमा 'नेपालको ढुङ्गा, गिट्टी, बालुवा निकासी गरेर व्यापार घाटा न्यूनीकरण गर्ने' कार्यक्रम घुसाएर सरकारले आफ्नो असली अनुहार र घटिया सोच उजागर गरेको छ। वातावरण र चुरे संरक्षणमा सरकार कति असंवेदनशिल छ प्रस्ट भएको छ।" लेखेका छन्।

संसद नभएको बेला असंवैधानिक सरकारले अवैधानिक तवरले जस्केलाबाट ल्याएको बजेटमा 'नेपालको ढुङ्गा,गिट्टी,बालुवा निकासी गरेर व्यापार घाटा न्यूनीकरण गर्ने'कार्यक्रम घुसाएर सरकारले आफ्नो असली अनुहार र घटिया सोच उजागर गरेको छ।वातावरण र चुरे संरक्षणमा सरकार कतिअसंवेदनशिल छ प्रस्ट भएको छ।१/३
— Gagan Thapa (@thapagk) June 2, 2021

थापाले यो नीतिगत भ्रष्टाचार भएको भन्दै यो आफना 'यार'लाई पोस्न सरकार कुन हदसम्म गिर्छ भन्ने कुरा पुनस्छर्लङ्ग भएको बताएका छन्। चुरे क्षेत्र तहस नहस पारेर तराईलाई मरभुमिकरण गर्न उद्धत यस्ता प्रयत्नलाई विगतमा संसदीय समितिमा हुँदा पनि पटक पटक रोकेको स्मरण गराएका छन् ।

"अदालतको आदेश, संसदीय समितिका पटक पटकका निर्देशन र नागरिक खवरदारीलाई अन्देखा गर्दै सरकारले जस्केलाबाट ल्याएको यो जनविरोधी कार्यक्रमलाई हामी जनप्रतिनिधिले त प्रतिरोध गर्छौँ नै। आम जनता, संचारजगत, सचेत नागरिक समाज सबैलाई यसको प्रतिरोध गर्न आव्हान गर्दछु।", उनले लेखेका छन् ।

यो 'नीतिगत भ्रष्टाचार हो'।आफ्ना 'यार'लाई पोस्न सरकार कुन हदसम्म गिर्छ भन्ने कुरा पुन:छर्लङ्ग भएको छ।चुरे क्षेत्र तहस नहस पारेर तराईलाई मरभुमिकरण गर्न उद्धत यस्ता प्रयत्नलाई विगतमा संसदीय समितिमा हुँदा पनि पटक पटक रोकेको हो।यसपटक पनि सरकारको यो निर्णय रोकेरै छाड्नेछौँ।२/३
— Gagan Thapa (@thapagk) June 2, 2021

सरकारद्वारा १५ जेठमा अध्यादेशमार्फत सार्वजनिक गरेको आगामी आर्थिक वर्ष ०७८/७९ को बजेटमा वातावरणीय प्रभाव मूल्यांकनका आधारमा खानीजन्य ढुंगा, गिटी, बालुवा निकासी गरी व्यापार घाटा न्यूनीकरण गरिने उल्लेख छ ।

अदालतको आदेश, संसदीय समितिका पटक पटकका निर्देशन र नागरिक खवरदारीलाई अन्देखा गर्दै सरकारले जस्केलाबाट ल्याएको यो जनविरोधी कार्यक्रमलाई हामी जनप्रतिनिधिले त प्रतिरोध गर्छौँ नै।आम जनता, संचारजगत, सचेत नागरिक समाज सबैलाई यसको प्रतिरोध गर्न आव्हान गर्दछु।३/३
— Gagan Thapa (@thapagk) June 2, 2021

प्रकाशित मिति: बुधबार, जेठ १९, २०७८ १४:४३

प्रतिक्रिया दिनुहोस्