तपाईं ६८(१) को मुख्यमन्त्री हो कि ६८(२) को, जवाफ दिनुस्: सांसद् गिरी

राजनीति

गृहपृष्ठ
राजनीति
तपाईं ६८(१) को मुख्यमन्त्री हो कि ६८(२) को, जवाफ दिनुस्: सांसद् गिरी

तपाईं ६८(१) को मुख्यमन्त्री हो कि ६८(२) को, जवाफ दिनुस्: सांसद् गिरी

'नीति तथा कार्यक्रम लागू नहुने दस्तावेज'

शुक्रबार, जेठ २८, २०७८ बागेश्वरी पोस्ट

नेपाली कांग्रेसका नेता तथा लुम्बिनी प्रदेशसभाका सांसद् शंकर गिरी

नेपालगन्ज । नेपाली कांग्रेसका नेता तथा लुम्बिनी प्रदेशसभाका सांसद् शंकर गिरीले मुख्यमन्त्री शंकर पोखरेललाई तपाईं ६८(१) को हो कि ६८(२) को मुख्यमन्त्री हो भनेर प्रश्न गर्नुभएको छ ।

प्रदेशसभा बैठकमा आज बोल्दै गिरीले प्रश्न गर्नुभएको छ-"मुख्यमन्त्री जी तपाईं ६८(१) को हो कि ६८(२) को मुख्यमन्त्री हो, यसको जवाफ तपाईंले संसद्लाई दिनुपर्छ ।" उहाँले अगाडि भन्नुभयो-"यो दुई तिहाईको सरकार थिएन र मुख्यमन्त्री ज्यु, खुम्चिँदै खुम्चिँदै किन यो अवस्थामा आइपुग्यो ? गरिखान नसकेको हो कि भारी बोक्न नसकेको हो ।" उहाँले रातारात अप्राकृतिक तरिकाले सपथ खाने परिस्थिति किन आएको हो भन्दै आक्रोश पोख्नुभयो । मुख्यमन्त्रीबाट संसद् छल्ने काम भइरहेको भन्दै गिरीले चर्को आपत्ति जनाउनुभयो ।

विधि, विधान र प्रक्रिया मिचेर रातारात अप्राकृतिकरुपले मुख्यमन्त्रीलाई सपथ खुवाउने प्रदेश प्रमुखका प्रति सम्मान भाव अन्तस्करणबाट नआएकाले नीति तथा कार्यक्रम बहिष्कार गरेको भन्दै गिरीले आफूहरुले विधि र प्रक्रिया मानेर सचेतकलाई भने उपस्थित गराएको बताउनुभयो । नीति तथा कार्यक्रमलाई 'लागू नहुने दस्तावेज' को संज्ञा दिँदै सांसद् गिरीले एनजिओमुखी भएको आरोप लगाउनुभयो ।

उहाँले नीति तथा कार्यक्रममा मिठासपूर्ण शब्दको भण्डार मात्र भएको टिप्पणी गर्नुभयो । केन्द्रको खराब संस्कारको बाछिटा प्रदेशसम्म आइपुगेको भन्दै गिरीले विधि, विधान र प्रक्रियालाई तिलाञ्जली यसरी नै दिएर अगाडि बढ्ने हो भने देश कहाँ पुग्छ, थाहा छैन, भन्नुभयो ।

प्रकाशित मिति: शुक्रबार, जेठ २८, २०७८ २१:१९

प्रतिक्रिया दिनुहोस्