राप्ती नदीको बाढीमा फसेका ४ जनाको सशस्त्र प्रहरीद्वारा उद्दार

समाचार

गृहपृष्ठ
समाचार
राप्ती नदीको बाढीमा फसेका ४ जनाको सशस्त्र प्रहरीद्वारा उद्दार

राप्ती नदीको बाढीमा फसेका ४ जनाको सशस्त्र प्रहरीद्वारा उद्दार

बुधबार, असार २, २०७८ बागेश्वरी पोस्ट

नेपालगन्ज । राप्ती नदीमा आएको बाढीमा फसेकाहरुको सशस्त्र प्रहरीले उद्दार गरेको छ। राप्ती नदीमा आएको बाढीमा फसेका चार जनाको सशस्त्र प्रहरीले सकुशल उद्धार गरेको जिल्ला प्रशासन कार्यालय दाङले जनाएको छ।

राप्ती नदीमा आएको बाढीमा मंगलबार रातिदेखि नदीको बीचमा फसेका लमही नगरपालिका ७ का ४८ वर्षीय मनराम चौधरी, राजपुर गाउँपालिका २ की ४५ वर्षीया साबित्रा यादव, सोही ठाउँका २६ वर्षीय राधे यादव र राजपुर ३ का २६ वर्षकै गणेश यादवलाई सशस्त्र प्रहरीको टोलीले आज बिहान उद्दार गरेको हो।

लमही ७ हसनापुर र राजपुर गाउँपालिकाको बेला घाटबीचको टापुमा फसेका उनीहरुको सशस्त्र प्रहरी बल भालुवाङका ९ जना र सशस्त्र प्रहरी क्याम्प लमहीका १६ जना गरी २५ जनाको टोलीले आज बिहान उद्धार गरिएको हो।

उनीहरु भैँसी पाल्न अस्थायी गोठ बनाएर हसनापुरको टापुमा बस्दै आएका दाङका प्रमुख जिल्ला अधिकारी दीर्घनारायण पौडेलले बताए । अहिले उनीहरुलाई शकुसल गन्तब्य तर्फ पठाएको छ।

प्रकाशित मिति: बुधबार, असार २, २०७८ १०:३०

प्रतिक्रिया दिनुहोस्